Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda referendýmda daýys beretinderdiń sany 1,1 mln adamǵa jetti

2022 jyldyń 23 mamyr 2022 11:59

ALMATY. QazAqparat- Almatyda respýblıkalyq referendýmnyń kúntizbelik jospary ázirlendi. Megapolıste 1 qalalyq, 8 aýdandyq jáne 574 ýchaskelik referendým komıssııasy jumys istep jatyr. Bul týraly qalalyq referendým komıssııasynyń tóraǵasy Janna Asanova málim etti, dep habarlaıdy QazAqparat tilshisi.

Janna Asanovanyń aıtýynsha, komıssııa músheleriniń jalpy sany 5 myń. Búginde tizim jasaldy, 20 mamyrdaǵy jaǵdaı boıynsha Almaty qalasyndaǵy referendýmda daýys beretinderdiń sany 1,1 mln adamǵa jetti.

«20 mamyrdan bastap ýchaskelik referendým komıssııalary halyqpen jumys isteı bastady. Referendýmdaǵy óz ýchaskeńizdiń nómirin bilý úshin biryńǵaı Sall ortalyǵyna +7(727) 3384545 telefony boıynsha habarlasyp, sol jerden óz nómirińiz ben mekenjaıdy bilýge bolady. Sonymen qatar, Call-ortalyq kún saıyn, úzilissiz jáne demalys, daýys beretin kúnderi saǵat 8.00-den 20.00-ge deıin qońyraýlardy qabyldaıdy», - dedi ol.

Spıkerdiń sózinshe, daýys berýge arnalǵan ýchaske týraly aqparat alý jónindegi fýnktsıonal open-almaty.kz saıtynda jáne @ReferendumAlmaty2022Bot Telegram-boty arqyly qoljetimdi. Ózińizdi tizimderden tabý jáne málimet alý úshin JSN nómirin engizý qajet.

«Ýchaskelik referendým komıssııalary shaqyrý qaǵazdaryn taratý jáne aqparattyq plakattardy ornalastyrý úshin páterlerdi jáne aýlalardy aralap shyǵýdy uıymdastyrady. Sondaı-aq, referendýmnyń óz ýchaskesinde ózińizdi tizimnen tekserýge jáne Konstıtýtsııaǵa usynylatyn túzetýlerge qatysty aqparat alýǵa bolady»,- dedi ol.


Avtor Alma Muqanova
Basty sózder: Saıası reforma, Referendým, Almaty,
Joǵary qaraı