Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda referendýmda daýys beretin ýchaskeńizdi qalaı bilýge bolady

2022 jyldyń 18 mamyr 2022 15:38

ALMATY. QazAqparat - Almaty turǵyndary úshin Qazaqstan Respýblıkasynyń Konstıtýtsııasyna ózgerister men tolyqtyrýlar engizý máselesi boıynsha 5 maýsymǵa belgilengen respýblıkalyq referendým jaıynda aqparat beretin biryńǵaı Call-ortalyq iske qosyldy.

Call-ortalyq halyqty aqparattandyrý jáne qala turǵyndaryna referendým máseleleri boıynsha keńester berý ári daýys berý protsesine tartý úshin qurylǵan.

Biryńǵaı Sall ortalyqqa +7 (727) 3384545 telefony boıynsha habarlasyp, ózińizdi respýblıkalyq referendýmǵa qatysýǵa quqyǵy bar azamattar tiziminen tekserýge, sondaı-aq óz ýchaskeńizdiń nómiri men mekenjaıyn naqtylaýǵa bolady.

Qońyraý shalý barysynda Call-ortalyqtyń operatorlary azamattardyń múmkindikterine, daýys berý rásimderine jáne referendým kúnindegi ýchaskelerdiń jumysyna qatysty búkil zańnamalyq normalardy túsindiredi.

Call-ortalyq qońyraýlardy kún saıyn úzilissiz jáne demalys kúnderi, sondaı-aq daýys beriletin kúnniń sońyna deıin saǵat 8:00-den 20:00-ge deıin qabyldaıdy.

Open-almaty.kz saıtynda daýys berýge arnalǵan ýchaske týraly aqparat alý jónindegi fýnktsıonal qoljetimdi.

Qajetti aqparatty @ReferendumAlmaty2022Bot Telegram-boty arqyly da alýǵa bolady.

Ózińizdi tizimnen tabý jáne málimetterdi alý úshin JSN nómirin engizý qajet.

Referendýmǵa «2022 jylǵy 6 mamyrda buqaralyq aqparat quraldarynda jarııalanǵan «Qazaqstan Respýblıkasynyń Konstıtýtsııasyna ózgerister men tolyqtyrýlar engizý týraly» Qazaqstan Respýblıkasy Zańynyń jobasynda baıandalǵan Qazaqstan Respýblıkasynyń Konstıtýtsııasyna ózgerister men tolyqtyrýlardy qabyldaısyz ba?» degen suraq qoıylǵan.

Prezıdent Qasym-Jomart Toqaevtyń Jarlyǵymen referendým azamattardyń erikti túrde qatysýy, oıyn erkin bildirýi, sondaı-aq jalpyǵa birdeı, teń, tikeleı jáne jasyryn daýys berý qaǵıdattary boıynsha ótedi.

Eske sala keteıik, respýblıkalyq referendým 2022 jyldyń 5 maýsymynda ótedi.

Almatyda barlyǵy 574 saılaý ýchaskesi jumys isteıdi.

Tolyq aqparat Almaty ákimdiginiń saıtynda jarııalanǵan.


Joǵary qaraı