Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda polıtsııa qyzmetkeri jaıaý júrginshini qaǵyp, mert qyldy

2021 jyldyń 14 maýsym 2021 09:33

ALMATY. QazAqparat – Almatyda jeńil kólik jaıaý júrginshini qaǵyp mert qyldy, dep habarlaıdy QazAqparat tilshisi.

Qaıǵyly oqıǵa 14 maýsym tańǵy 7:00 shamasynda bolǵan.

Alataý aýdanynda «Hıýndaı elantra» markaly qyzmettik kóliginiń júrgizýshisi Ótemisuly kóshesimen júrip kele jatyp manevr jasaǵan kólikten qashamyn dep jaıaý júrginshini qaǵyp ketti.

«Hıýndaı elantra» kóliginiń júrgizýshi Ótemisuly kóshesiniń óńtústik baǵytynda kele jatyp, kenetten manevr jasaı bastaǵan kólikpen soqtyǵysýdy boldyrmaý úshin avtokólik jýý ornynyń shyǵys jaǵyna qaraı shyǵyp ketti, sol jerde jaıaý júrginshini - S.esimdi azamatty qaǵyp ketti. Sondaı-aq «Gazel» avtokóligine soqtyǵysty.

«Jol-kólik oqıǵasy saldarynan jaıaý júrginshi kóz jumdy. Atalǵan fakt sotqa deıingi tergeýdiń biryńǵaı tizilimine QR QK-niń 345 baby, 3 bólimi boıynsha tirkeldi. Qylmystyq isti Almaty qalalyq PD anyqtaý basqarmasy júrgizýde. Júrgizýshige qatysty tergeý amaldary júrgizilýde»,- dep habarlady Almaty qalalyq Polıtsııa departamentiniń baspasóz qyzmeti.


Avtor Alma Muqanova
Basty sózder: Almaty, Kólik, Oqıǵa,
Joǵary qaraı