Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda páter tonaýshy qylmys ústinde ustaldy

2021 jyldyń 17 qyrkúıek 2021 22:46

ALMATY. QazAqparat- Almatyda páter urysy kezekti úıdi tonaý kezinde ustaldy, dep habarlaıdy QazAqparat tilshisi.

Bul týraly Almaty qalalyq Polıtsııa departamentiniń baspasóz qyzmeti habarlady.

Buryn sotty bolǵan 1973 jyly týǵan Ý. esimdi azamatty tártip saqshylary Gagarın kóshesindegi úılerdiń biriniń aýlasynda ustady.

«Ustaýǵa birneshe mınýt qalǵanda sottalýshy almatylyq qyzdyń páterin tonaǵan. Ol sol jerden altyn buıymdardy urlap, úı ıesine 200 myń teńgeden astam materıaldyq zalal keltirdi. Kúdiktiden tabylǵan zattar protsessýaldyq tártippen tárkilendi. Sonymen qatar tekserý kezinde tabylǵan pnevmatıkalyq tapansha da qylmystyq is materıalyna tirkeldi. Ý. esimdi azamat ýaqytsha ustaý ızolıatoryna qamaldy»,- dedi Almaty qalasy PD Krımınaldyq polıtsııa basqarmasynyń bastyǵy Qýatbek Naýatov.

Spıkerdiń sózinshe, qazirdiń ózinde polıtseılerde ustalǵan adamnyń osyndaı úsh urlyqqa qatysy bar ekendigine senimdi derekter bar.

Sotqa deıingi tergeý aıaqtalǵanǵa deıin jeńil aqshaǵa áýesqoıdyń qurbandarynyń tizimi tolyqtyrylýy múmkin.


Avtor Alma Muqanova
Basty sózder: Qylmyspen kúres, Almaty,
Joǵary qaraı