Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda ótetin boks keshinde qandaı ataqtar sarapqa salynatyny belgili boldy

2021 jyldyń 9 jeltoqsan 2021 15:35

ALMATY. QazAqparat – 11 jeltoqsan kúni Almatyda ótetin boks keshinde qazaqstandyq boksshylar birden alty tıtýldy aıqas ótkizedi, dep habarlaıdy QazAqparat.

Keshtiń basty jekpe-jeginde Qamshybek Qońqabaev (3-0, 3KO) brıtandyq Stıven Ýordpen (13-1, 4KO) birinshi aýyr salmaqtaǵy bos WBA Gold chempıondyq tıtýly úshin aıqasady. Keshtiń taǵy bir mańyzdy aıqasynda Sultan Zaýyrbek (11-0, 7KO) WBO European chempıondyq beldigi úshin judyryqtasady. Ol brıtandyq Raıan Ýılermen (16-1-1, 0KO) aıqasady. Talǵat Shaıken (6-0, 4KO) ýkraınalyq Vladımır Gordıenkomen (9-3, 4KO) kezdesedi – olar jartylaı orta salmaqtaǵy WBC «jastar» beldigi úshin aıqasady.

Basty kard aldynda Edil Qojamberdıev (10-2, 10KO) túrik Hamza Gıýneshpen (6-0, 4KO) jekpe-jekke shyǵyp, krýzerveıttegi UBO Inter-Continental beldigi úshin talasady. Sonymen qatar Qazaqstannyń Kásibı boks komıssııasy chempıony beldigi úshin qazaqstandyqtar arasynda eki tıtýldyq jekpe-jek ótedi: Aldııar Amanjolov (2-1, 1KO)-Bektas Qasenaı (7-1, 2KO), Dilshat Nurym (2-0, 1KO)-Naýryzǵalı Nurmuhametov (1-0, 1KO).


Basty sózder: Boks, Sport, Almaty,
Joǵary qaraı