Aýa raıy
Astana -25 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda ortalyq kósheler jaıaý júrginshilerge yńǵaıly bola túsedi

2020 jyldyń 25 qarasha 2020 16:33

ALMATY. QazAqparat - Almatyda 2021 jyly birneshe ortalyq kóshe jaıaý júrginshilerge yńǵaıly bola túsedi, dep habarlaıdy QazAqparat tilshisi.

Qalalyq Josparlaý jáne ýrbanıstıka basqarmasynyń habarlaýynsha, Almatyda bas josparǵa sáıkes 2021 jyly tómendegideı ortalyq kósheler jaıaý júrginshilerge arnalyp qaıta jasalady.

- Dostyq dańǵyly (ál-Farabı dańǵylynan Abaı kóshesine deıin);

- Seıfýllın dańǵyly (Abaı dańǵylynan Raıymbek kóshesine deıin);

- Raıymbek dańǵyly (Seıfýllın dańǵylynan Pýshkın kóshesine deıin);

- Músirepov býlvary (Sátbaev kóshesinen Abaı dańǵylyna deıin).

«Almaty – shetsiz qala» tujyrymdamasy boıynsha qazirgi tańda Alataý aýdanynda myna kóshelerde jaıaý júrgin aımaǵy jasalady:

- Úlken Almaty kanaly boıymen (Saın kóshesinen Soltústik aınalma joly kóshesine deıin);

- Rysqulov kóshesinde (Ońǵarsynova kóshesinen Sháripov kóshesine deıin).

Naýryzbaı aýdanynda:

- Sábdenov kóshesi (Áshimov pen Nurly kósheleriniń aralyǵy;

- Baızaq batyr kóshesi (Áshimov kóshesi men Qaraǵaıly ózeniniń aralyǵy).

«Halyq únine qulaq asatyn úkimet» tujyrymdamasyna sáıkes qalalyq basqarma «Almaty bas jospary» ǴZI birige otyryp qalanyń ortalyq kóshelerin qaıta jasaý boıynsha qoǵamdyq talqylaý ótkizetin bolady.

Q-Lab qalalyq jobalar zerthanalyq negizinde daýys berý men usynys jasaý úshin quraldar jasalatyn bolady.

Ár almatylyq osyǵan qatysty óz oı-pikirin bildiretin bolady.

Aıta keterligi, bul kóshelerde kólikterdiń júrýine tyıym salynbaıdy. Tek qozǵalys júıesi jaıaý júrginshiler úshin yńǵaıly bolyp jasalady.


Avtor Gúlmıra Ǵosmanálı
Basty sózder: Aımaq, Almaty, Ákimdik,
Joǵary qaraı