Aýa raıy
Astana -7 °S
Almaty 4 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda notarıýs 1,8 mlrd teńgeniń operatsııasyn zańsyz jasaǵan

2020 jyldyń 30 qazan 2020 11:27

ALMATY. QazAqparat – Almaly aýdanynyń prokýratýrasy 1,8 mlrd teńge kóleminde jalaqy óndirý týraly jalǵan mámileni anyqtady, dep habarlaıdy QazAqparat tilshisi.

«2019 jyldyń 23 jeltoqsanynda notarıýs «K» JShS-nan «M» degen azamatqa 1 805 097 937 teńge mólsherinde jalaqy óndirmek bolǵan. Taldaýlardyń nátıjesinde M degen azamat osy JShS tolyq quryltaıshysy ekeni anyqtaldy. Ol aıyna 40 mln teńge jalaqy alyp otyrǵan. Medeý aýdandyq soty 2019 jyldyń 16 tamyzynda onyń jalaqy óndirý týraly aryzyn qanaǵattandyrmaǵan. Sot úkimi men mámileniń kúmándiligine qaramastan notarıýs jalǵan atqarý qolyn qoıǵan», - dedi prokýratýra.

Prokýratýranyń habarlaýynsha, QR «Ońaltý jáne bankrottyq» týraly zańyna sáıkes jabylatyn uıymnyń eń aldymen kredıtorlar aldyndaǵy boryshynan góri jumyskerlerdiń jalaqysynan qutylý boryshy aldyńǵy orynda bolady.

«M degen azamat basqa kásipkerlerge iri mólsherde qaryz bolǵan. Osylaısha jalǵan jalaqy boryshyn alǵa tartyp, aqshany jylystatý shemasyn quryp olardan qutylyp ketpek bolǵan», - dedi prokýratýradan.

2020 jyldyń 12 mamyryndaǵy sot sheshimimen notarıýstyń atqarý qoly jaramsyz dep tanyldy. Notarıýsqa qatysty jeke anyqtama shyǵaryldy. Qazir bul anyqtama qaralyp jatyr.


Joǵary qaraı