Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda nómirsiz kólikpen qarsy baǵytta júrgen polıtseı jumystan qýyldy

2021 jyldyń 2 jeltoqsan 2021 19:33

ALMATY. QazAqparat - Jol qozǵalysy erejesin buzǵan polıtsııa qyzmetkeri ishki ister organdarynan bosatyldy, dep habarlaıdy QazAqparat tilshisi Almaty qalalyq ІІD baspasóz qyzmetine silteme jasap.

Almaty qalalyq polıtsııa departamentiniń tártiptik komıssııasynyń sheshimimen jol qozǵalysy erejelerin óreskel buzǵan jergilikti polıtsııa qyzmeti basqarmasy patrýldik polıtsııa polkiniń ınspektory, polıtsııa aǵa leıtenanty K. Imanqulov qyzmetinen bosatyldy.

Sondaı aq onyń tikeleı basshysy — vzvod komandıri de qyzmetinen ketti. Sonymen qatar, bólimsheniń taǵy eki basshysyna tártiptik jaza qoldanyldy.

«Zań barlyǵyna birdeı jáne qatań saqtalýy tıis. Kezdeısoq adamdarǵa bizdiń qatarymyzda oryn joq: mundaı zańsyz áreketterimen olar erte me, kesh pe, ózderin kórsetedi. Azamattardyń qaýipsizdigi úshin qyzmetke júrek qalaýymen kelgender ishki ister organdarynda qalady», - deıdi Almaty qalalyq polıtsııa departamenti bastyǵynyń orynbasary Ábdýálı Nasharbekov.

Sonymen qatar, polıtsııadaǵylar jol qozǵalysy erejelerin buzǵan K.Imanqulovqa qatysty bes ákimshilik hattama toltyrylǵanyn atap ótti.

Eske salaıyq, búgin Almaty men Almaty oblysy shekarasynda nómirsiz kólikpen qarsy baǵytta júrgen polıtsııa qyzmetkeriniń vıdeosy áleýmettik jelide taraǵan bolatyn.



Avtor Alma Muqanova
Basty sózder: Oqıǵa, Polıtsııa, Zań, Kólik, Almaty, Vıdeo,
Joǵary qaraı