Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda muqtaj jandarǵa kómek kórsetetin volonterler shtaby quryldy

2022 jyldyń 12 qańtar 2022 02:17

ALMATY. QazAqparat - Almatyda muqtaj jandarǵa kómek kórsetý boıynsha qalalyq eriktiler shtabynyń jumysy uıymdastyryldy, dep habarlaıdy QazAqparat tilshisi.

Shtab kelesi mekenjaılar boıynsha jumys isteıdi: Abylaı han kóshesi, 79 jáne Baıtursynov kóshesi, 22/1. Jumys ýaqyty – kún saıyn saǵat 9.00-den 17.00-ge deıin.

Shtab bazasynda jedel jeli telefondary iske qosyldy: +7 (727) 279 13 29, +7 (727) 225 49 01, +7 (705) 213 00 77. Olar boıynsha kómek kórsetýge daıyn jáne kómekke muqtaj qala turǵyndary habarlasa alady.

Volonterler pýnktinde mynadaı baǵyttar boıynsha kómek kórsetiledi: konsýltatsııalyq, psıhologııalyq, zańdyq, aqparattyq-túsindirý jumystary jáne shuǵyl jeli telefonyna kelip túsken ótinishter boıynsha volonterlik kómek.

Shtab jumysyna tájirıbeli volonterler men qalanyń iri volonterlik uıymdary jumyldyryldy: Jastar resýrstyq ortalyǵy, «Qazaqstan Volonterler lıgasy» QQ, «Jas Otan» JQ, Almaty meıirimdilik klýby, Lider.kz jáne taǵy basqalar.

Demeýshilik kómek kórsetý máseleleri boıynsha kelesi nómirlerge habarlasýǵa bolady: +7 747 540 01 40 - Baǵdat, +7 707 438 77 33 - Nursultan.


Joǵary qaraı