Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda Muqaǵalı Maqataev beınelengen mýral paıda boldy

2021 jyldyń 27 qazan 2021 17:37

ALMATY. QazAqparat – Almatyda kópqabatty úıdiń qabyrǵasynda Muqaǵalı Maqataev beınelengen mýral paıda boldy, dep habarlaıdy QazAqparat tilshisi.

Aqıyq aqyn beınelengen alyp kartına Sháripov pen Maqataev kósheleriniń qılysynda ornalasqan úılerdiń biriniń qabyrǵasyna salyndy. Mýral Sh. Aımanov atyndaǵy «Qazaqfılm» kınostýdııasynyń tapsyrysy boıynsha salyndy. «Jaqynda «Muqaǵalı» fılmi ulttyq prokatqa shyqty. Búgin bárimiz aqynnyń qurmetine salynǵan qabyrǵa sýretiniń ashylý saltanatyna jınaldyq. Aqyn beınelengen mýral qala turǵyndarynyń kóńilinen shyǵady dep senemiz. Biz sondaı-aq basqa da belgili tulǵalarymyzǵa mýral arnaý ıdeıasyn qoldaýdy jalǵastyramyz», - dedi Sh. Aımanov atyndaǵy «Qazaqfılm» kınostýdııasynyń vıtse-prezıdenti Aıdarhan Ádilbaev.







Sharaǵa aqynnyń týystary qatysty. « Búgin erekshe kún. Qalamyzda aqyn Muqaǵalı Maqataevqa arnalǵan úlken mýral paıda boldy. Bul úshin «Qazaqfılm» kınostýdııasyna alǵys aıtqym keledi. Jaqynda ol týraly alǵashqy kórkem fılm jaryqqa shyqty. Muqaǵalı Maqataevtyń 90 jyldyǵyn toılaý aıaqtalýǵa jaqyn qaldy. Jýyrda Almaty oblysy, Raıymbek aýdanynyń ortalyǵynda eskertkish ornatyldy. Aldaǵy ýaqytta oǵan arnalǵan sharanyń bári osyndaı joǵary deńgeıde ótedi dep senemiz», – deıdi Muqaǵalı Maqataevanyń kelini Baqytgúl Aıdarova.







Mýraldy Abaı Sultan jáne Nurbolat Amanqul esimdi jas sýretshiler salyp shyqty. « Muqaǵalı Maqataeva syndy kórnekti tulǵanyń sýretin salý biz úshin úlken mártebe. Ony bizge senip tapsyrǵandaryna qýanyshtymyz. Bizdiń týyndymyz barlyǵyna unaıdy dep oılaımyn. Mýraldyń kólemi 190 sharshy metr. Ony salýǵa bes kún ketti», - deıdi sýretshi.














Avtor Alma Muqanova
Basty sózder: Almaty, Mádenıet,
Joǵary qaraı