Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda monsha kesheninde jasyryn kazıno jumys istegen

2021 jyldyń 17 qyrkúıek 2021 10:24

ALMATY. QazAqparat – Almatyda monsha kesheninde jasyryn kazıno jumys istep kelgen, dep habarlaıdy QazAqparat Qarjylyq monıtorıng agenttiginiń baspasóz qyzmetine silteme jasap.

«Oıyn bıznesi týraly» QR Zańynyń 11-babyna sáıkes Qazaqstan Respýblıkasynyń aýmaǵynda zańda belgilengen oryndardan tys kazıno jáne oıyn avtomattarynyń qyzmetine tyıym salynǵan.

Agenttiktiń Almaty qalasy boıynsha aýmaqtyq departamenti qyzmetkerleri Almaty qalasyndaǵy monsha keshenderiniń birinde ornalasqan astyrtyn kazıno qyzmetiniń jolyn kesti. Tekserý kezinde mekemede 23 oıynshy, sondaı-aq qyzmet kórsetýshi personal bolǵany anyqtaldy. Qyzmetkerler shuǵa, túrli nomınaldaǵy oıyn fıshkasyn, plastık kartalardy tárkiledi.

Sonymen qatar, astyrtyn kazınoda tek turaqty klıentterdi ótkizý júıesi jasalǵan. Oıynshylardyń qarajatyn qabyldaý kazıno uıymdastyrýshylarynyń karta shotyna aýdarý arqyly júzege asyryldy.

«Qazirgi ýaqytta zańsyz oıyn bıznesin uıymdastyrý deregi boıynsha sotqa deıingi tergep-tekserý isi bastaldy. Ózge aqparat tergeý múddesine oraı jarııa etýge jatpaıdy», dep málimdedi vdeomstvodan.


Joǵary qaraı