Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda mobıldi ekopatrýlder iske qosyldy

2021 jyldyń 6 jeltoqsan 2021 10:57

ALMATY. QazAqparat- Almatyda mobıldi ekopatrýlder iske qosyldy, dep habarlaıdy QazAqparat tilshisi.

Qazir ýaqytta Almaty polıtsııasy Jasyl ekonomıka basqarmasymen birlesip, ekologııalyq standartqa saı kelmeıtin kólikterdi anyqtaý maqsatynda reıd júrgizip jatyr. Kórsetilgen zań buzýshylyqtardy anyqtaý úshin arnaıy tehnıkamen jabdyqtalǵan patrýldik polıtsııanyń 11 ekıpajy kún saıyn jolǵa shyǵady.

«Іs-sharanyń basynan beri eki jarym myńnan astam kólik tekserýden ótti, onyń 1193-i dızelmen, 1 357-si janarmaımen júredi. Tekserilgen kólikterdiń 23%-y ekologııalyq standarttarǵa sáıkes kelmeıdi: 589 kólikte gaz shyǵaryndy mólsheri shamadan tys kóp bolǵan. Sonymen qatar, búginde qalaǵa kire beriste 19 ekologııalyq beket ornatylyp jatyr. Olar ólsheý quraldary, beınebaqylaý kamerasymen jabdyqtalǵan», - deıdi Almaty qalalyq PD Jergilikti polıtsııa qyzmeti basqarmasynyń bastyǵy Manap Sattarov.

Bıyl naýryz aıynan bastap barlyǵy 139 746 kólik tekserildi, onyń 21 751-inde ýly gaz shyǵarý normadan asyp ketkeni anyqtaldy.

«QR ÁQbK-niń 334-babyna sáıkes, shyǵaryndylaryndaǵy lastaýshy zattardyń mólsheri, sondaı-aq paıdalaný kezinde olardan týyndaıtyn shý deńgeıi belgilengen normatıvterden (tehnıkalyq normalardan) asatyn avtokólikterd jáne qondyrǵylardy paıdalanǵanda aıyppul salynady ne eskertý jasalady, jeke tulǵalarǵa – 10, zańdy tulǵalarǵa – 100 aılyq eseptik kórsetkish mólsherinde aıyppul salynýy múmkin», - deıdi polıtsııa ókili.



Avtor Alma Muqanova
Basty sózder: Ekologııa, Almaty,
Joǵary qaraı