Aýa raıy
Astana 7 °S
Almaty 14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda memlekettik satyp alý salasynda alaıaqtyqpen aınalysqan adam ustaldy

2020 jyldyń 21 qyrkúıek 2020 20:32

ALMATY. QazAqparat – Almatyda memlekettik satyp alý salasynda alaıaqtyqpen aınalysqan er adam ustaldy, dep habarlaıdy QazAqparat tilshisi

Kúdikti – 1983 jyly týǵan K. esimdi azamat, Almaty oblysynyń týmasy.

Ol tender ótkizý resýrsy arqyly tapsyrys berýshilerdi taýyp, olarǵa elektr qondyrǵylaryn ornatý jáne nysandardy salý úshin qysqa merzimde taýar jetkizý boıynsha óz qyzmetterin usynǵan.

Er adam joq elektrondy shot-faktýralardy, oryndalǵan jumystar men kórsetilgen qyzmetterdi qoldan jasaǵan. Osylaısha ol adal kásipkerlerdi adastyrdy.

«Polıtsııaǵa 15-ten astam adam júgingen. Qazirgi ýaqytta kúdiktige qatysty QK 190-baby boıynsha sotqa deıingi tergeý amaldary júrgizilýde. Kúdikti Almaty qalalyq PD ýaqytsha ustaý ızolıatoryna qamaýǵa alyndy», – deıdi Almaly aýdandyq polıtsııa basqarmasynyń bastyǵy Esen Ysqaqov.

Sonymen qatar, polıtsııa K. myrzanyń qylmystyq áreketinen zardap shekken azamattardyń Almaly aýdandyq polıtsııa basqarmasyna habarlasýyn ótinedi.


Avtor Alma Muqanova
Basty sózder: Oqıǵa, Zań, Almaty,
Joǵary qaraı