Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda mas kúıinde kólik aıdaǵan 21 júrgizýshi ustaldy

2022 jyldyń 29 mamyr 2022 01:44

ALMATY. QazAqparat- Almatyda mas kúıinde kólik aıdaǵan 21 júrgizýshi ustaldy, dep habarlaıdy QazAqparat tilshisi.

Almatynyń jergilikti polıtsııa qyzmeti, 25 mamyrda bastalǵan reıdtik is-sharanyń aralyq qorytyndysyn shyǵarý barysynda osyndaı málimetterdi keltiredi.

«Tórt kúnniń ishinde qala joldarynda 768 jol qozǵalysy erejesin buzý deregi anyqtaldy. Olardyń ishinde, 56 kólik memlekettik tirkeý nómirinsiz júrse, 15 kólik jalǵan memlekettik nómirmen júrgen. Kóligin tehnıkalyq baıqaýdan ótkizbegen 34 júrgizýshi ákimshilik jaýapkershilikke tartyldy. Sondaı-aq, 2 kólik mamandandyrylǵan aıyppul turaǵyna qoıyldy, olarǵa dybys jáne jaryq sıgnaldaryn beretin qurylǵylar ornatylǵan. Sonymen qatar, mas kúıinde kólik aıdaǵan 21 júrgizýshi ustaldy», - dedi Almaty qalalyq jergilikti polıtsııa qyzmeti basqarmasy bastyǵynyń orynbasary Erjan Uzabaev.

Spıker joldardaǵy reıdtik sharalardyń jalǵasatynyn atap ótti.

Ol joldyń qatelikti keshirmeıtinin eske salyp, barsha jol qozǵalysyna qatysýshylardy jol erejesin qatań saqtaýǵa shaqyrdy.


Avtor Alma Muqanova
Basty sózder: Almaty, Polıtsııa, Kólik,
Joǵary qaraı