Aýa raıy
Astana -22 °S
Almaty -2 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda lombardqa shabýyl jasaǵan qaraqshylar ustaldy

2020 jyldyń 2 jeltoqsan 2020 17:04

ASTANA. QazAqparat – Almatyda Áshimov kóshesi boıyndaǵy lombardqa qaraqshylyq shabýyl jasaldy, dep habarlaıdy QazAqparat tilshisi.

Almaty qalalyq Polıtsııa departamenti baspasóz qyzmetiniń málimetinshe, Naýryzbaı aýdanynda ornalasqan lomardqa qoldarynda tapansha men pyshaǵy bar eki er adam shabýyl jasady. Dál sol kezde lombard mańynan ýchaskelik polıtsııa ınspektorlary Qanat Parmanov pen Erlan Qosalıev ótip bara jatqan.

«Ýchaskelik polıtsııa ınspektorlary - polıtsııa maıory Qanat Parmanov pen polıtsııa kapıtany Erlan Qosalıev ózderiniń ákimshilik aımaqtarynda júrgen. Áshimov kóshesiniń boıyndaǵy lombardtan kómekke shaqyrǵan áıeldiń daýsyn estıdi. Sol kezde lombardtyń ishinen tapansha jáne pyshaqpen qarýlanǵan eki adam júgirip shyqqan, olar polıtsııa qyzmetkerlerin kórip, qashyp ketpek bolǵan. Kúdiktiler ustaldy», - dedi Naýryzbaı aýdandyq polıtsııa basqarmasynyń bastyǵy Dıdar Ahanov.

«Men olardyń artynan júgirip shyqtym. Qarasam eki polıtsııa qyzmetkeri olarmen tóbelesip jatyr eken. Kúdiktiler qashyp ketpek boldy. Biraq polıtseıler oǵan jol bermedi. Men polıtsııa qyzmetkerlerine rızashylyǵymdy bildirip, alǵys aıtqym keledi. Rahmet!», - dedi, lombard qyzmetkeri Elmıra Úsenbaeva.

Bul fakt sotqa deıingi tergeýdiń biryńǵaı tiziliminde QR QK-niń 192 baby 2 bólimi 1 tarmaǵy boıynsha tirkeldi.

«Kúdiktilerdiń ekeýi de Jambyl oblysynyń turǵyndary. Belgili bolǵandaı, olar Almatyǵa qylmystyq jolmen aqsha tabý maqsatynda kelgen. Olardyń biri - 2000 jyly týǵan J. atty azamat, buryn adam tonaǵany úshin sottalǵan. Onyń sybaılasy - Q. esimdi azamat, 2001 jyly týǵan. Qylmys ornynda jedel-tergeý toby «Baıkal» tapanshasyn, as úı pyshaǵyn, qolǵap, qara betperde, ártúrli ataýdaǵy 24 dana altyn salynǵan qorap tárkiledi. Qylmystyq is aıasynda tıisti saraptamalar taǵaıyndaldy. Kúdiktiler ýaqytsha ustaý ızolıatoryna qamaldy», - dedi D. Ahanov.


Avtor Alma Muqanova
Basty sózder: Almaty, Qylmyspen kúres,
Joǵary qaraı