Almatyda qylmys deńgeıi 47,8% tómendedi

ALMATY. QazAqparat – Almatyda 2020 jyldyń qorytyndysy boıynsha qylmys deńgeıi 47,8% tómendedi, dep habarlaıdy QazAqparat tilshisi.

Polıtsııanyń málimetinshe, densaýlyqqa aýyr zııan keltirý - 29,1 %, zorlaý - 2,4%, bireýdiń múlkin urlaý - 2,5%, kólik urlyǵy - 36,1%, páter tonaý - 3,6 %, alaıaqtyq - 18,6%, al tonaý - 2,2 ese azaıǵan.

Qaraqshylyq shabýyl - 2%, buzaqylyq - 2,2% kemigen.

Qylmystyń barlyq túri boıynsha ashý kórsetkishi jaqsardy.

«Barlyq baǵyttar boıynsha qylmystyń ashylýy - 11,7%, qatty aýyr – 7%, al jeńil jáne ortasha aýyr qylmystardyń ashylýy – 6,2% jaqsardy. Kóshede jasalǵan quqyq buzý faktileriniń sany - 4,2 ese, qoǵamdyq orynda - 3,4 ese azaıdy. Qabyldanǵan sharalar nátıjesinde qaraqshylyqpen aınalysqan 15 toptyń, 53 – qaraqshylyqtyń, 40 – páter tonaýymen aınalysqandardyń, 15 – avtokólik urlyǵynyń, 85 – qoǵamdyq oryndaǵy jeke menshikti urlaýmen aınalysqandardyń qylmystyq áreketi toqtatyldy», – deıdi Almaty qalalyq polıtsııa departamentiniń bastyǵy Qanat Taımerdenov.

Almatyda kúnine orta eseppen 1650 polıtsııa qyzmetkeri 550 myń krımınogendik marshrýtty kúzetýge shyǵady.

Onyń 1110-y - jaıaý, 540-y - avtokólikpen.