Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda qylmys deńgeıi 21,3% tómendedi

2021 jyldyń 13 mamyr 2021 00:42

ALMATY. QazAqparat - Almatyda jyl basynan beri qylmys deńgeıi 21,3% tómendedi. Bul týraly Baqytjan Saǵyntaev tikeleı efır kezinde aıtty, dep habarlaıdy QazAqparat tilshisi.

Baqytjan Saǵyntaev qaýipsizdik «Almaty - 2050» strategııasynda belgilengen jeti strategııalyq baǵyttardyń biri ekenin atap ótti.

«Qaýipsiz qala – bul turǵyndar úshin jaıly qala. Qaýipsiz qala - bul ınvestorlar men týrıster kóp keletin qala. Qaýipsiz qala - bul bıznestiń damýy. Osynyń bári bolsa, onda qalamyz ál-aýqatty, jasyl jelekke bólengen, jumys orny kóptep ashylǵan, halyqtyń júzi jarqyn bolady. Ol úshin qaladaǵy qoǵamdyq oryndarda qaýipsizdikti kúsheıtip, qylmysty azaıtý jumysy júrgizilip jatyr»,-dedi qala ákimi.

Sonymen qatar, ol qalada qaýipsizdik deńgeıi jyl saıyn artyp kele jatqanyn aıtty.

«Strategııada «100 myń adamǵa shaqqandaǵy qylmys deńgeıiniń» ındıkatory kórsetilgen, ol 2020 jyly 3260, al 2025 jyly - 2835 bolýy kerek. Al, is júzinde 2019 jáne 2020 jyldary bul kórsetkish sáıkesinshe 2889 jáne 1457,9-dy qurady. Strategııadaǵy «100 myń adamǵa shaqqanda ólimmen aıaqtalǵan jol-kólik oqıǵa sany» ındıkatory boıynsha 2030 jylǵa deıin 4,6-dan kem emes kórsetkishke jetý josparlanǵan. Іs júzinde, 2020 jyly bul kórsetkishke 4,2 boldy», -dedi Baqytjan Saǵyntaev.

2019 jyldan bastap Almatynyń krımınogendi jerlerinde polıtsııanyń 37 jańa modýldi statsıonarlyq posty uıymdastyryldy. Bıyl taǵy 7 osyndaı beket ashylady. Krımınogendi ýchaskelerde patrýldeýdi kúsheıtý jáne jyljymaly polıtsııa pýnktterin qurý jaǵdaıdy edáýir jaqsarǵan.

«2020 jyldyń qorytyndysy boıynsha qylmys 2 esege azaıdy. Qoǵamdyq oryndarda tirkelgen quqyq buzýshylyq sany 3,4 esege tómendedi, kóshe qylmystary 4,2 esege qysqardy. Sondaı-aq, qylmystyń izin sýytpaı ashý 12,3%-ǵa jaqsardy. Osy jyldyń 4 aıynyń qorytyndysy boıynsha qalada qylmys barlyq baǵyt boıynsha 21,3% tómendedi. Qala turǵyndary men qonaqtaryna týyndaıtyn máselelerdi sheshýge kómek kórsetý mindeti qoıylǵan ýchaskelik ınspektorlardyń róli kúsheıtildi. Árbir eresek almatylyq ýchaskelik ınspektoryn jaqsy tanýy tıis»,-dedi qala ákimi.

Megapolıs ákimi qalada quqyq buzýshylyqqa qarsy nóldik tózimdilik ahýalyn qalyptastyrý qajettigin atap ótti.


Avtor Alma Muqanova
Basty sózder: Qylmyspen kúres, Almaty, QR ІІM,
Joǵary qaraı