Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda qurylys alańynda kran qulap, bir adam mert boldy

2022 jyldyń 23 qańtar 2022 12:10

ALMATY. QazAqparat- Almatyda qurylys krany qulap, bir adam mert boldy, dep habarlaıdy QazAqparat tilshisi.

Tótenshe jaǵdaı búgin tańǵy saǵat 10:40 shamasynda «Taýgúl-1» shaǵynaýdanyndaǵy qurylys alańynda bolǵan.

Almaty qalalyq polıtsııa departamentiniń málimetinshe, oqıǵa ornynda 49 jastaǵy kranshy mert boldy.

Sot-medıtsınalyq saraptama taǵaıyndaldy.

«Atalǵan fakti QR Qylmystyq kodeksiniń 277-baby 2-bóligi boıynsha sotqa deıingi tergep-tekserýdiń biryńǵaı tizilimine tirkeldi. Ony Áýezov aýdandyq polıtsııa basqarmasy tekserip jatyr», - dep habarlady polıtsııadan.

Almaty qalalyq ákimdiginiń málimetinshe, qurylys «NAVOI 3.0» turǵyn úı kesheninde júrip jatqan.

«Oqys oqıǵa Áýezov aýdany Naýaı kóshesi «NAVOI 3.0» turǵyn úı kesheninde boldy. Qurylysty «Mıras konstrakshn» merdiger kompanııasy júrgizip jatyr. Belgili bolǵandaı, JShS qurylys krany men kranshyny «Star Rent» JK-dan jalǵa alǵan. 1973 jyly týǵan kranshy B.S.Maınov alǵan jaraqatynan jedel járdem kóligi kelgenshe kóz jumdy», - dep naqtylady qalalyq ákimdiktiń baspasóz qyzmeti.








Avtor Alma Muqanova
Basty sózder: Qurylys, Oqıǵa, Almaty,
Joǵary qaraı