Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda qurbandyqqa shalynǵan mal eti 5 myń muqtaj otbasyna taratylady

2021 jyldyń 16 shilde 2021 18:43

ALMATY. QazAqparat - Almatyda bıyl Qurbandyq eti 5 545 muqtaj otbasyna taratylady. Bul týraly onlaın brıfıng barysynda Almaty qalasynyń Bas ımamy Ospan Tólebı málim etti, dep habarlaıdy QazAqparat tilshisi.

Onyń aıtýynsha, Qurbandyq shalý rásimi qurban2021.kz saıtyna tapsyrys bere otyryp, onlaın rejımde ótedi. Ótinimder 15- 22 shilde aralyǵynda saǵat 14.00-ge deıin qabyldanady.

«Bıyl Almaty qalasynda Qurban aıt merekesi kezinde 1108 usaq jáne 50 iri qara mal qurbandyqqa shalynady dep josparlanýda. Qurbandyq eti 5 545 muqtaj otbasy men 14 mekemege bólinedi», – dedi Ospan Tólebı.

Sonymen qatar, ol SOVID-19 epıdemııasy jaǵdaıynda Qurban aıt merekesin atap ótýdi halyqqa túsindirý maqsatynda Ortalyq meshitimen birlesip Call-ortalyqtyń jumysy uıymdastyrylǵanyn jetkizdi.

Eske salsaq, Bas memlekettik sanıtarlyq dárigerdiń qaýlysyna sáıkes, Almaty aýmaǵynda 19-y men 22 shilde aralyǵynda mal soıý tsehy men bazarlardyń jumys isteýine tyıym salynǵan.

Sondaı-aq maldy soıýǵa, ony avtokólikter men jeke úı ıelerinen satýǵa bolmaıdy.

Qala aýmaǵyna janýarlardyń ákelinýine jol bermeý úshin Almaty aımaǵynyń kireberisterine beketter ornatylady.

«Muqtaj adamdarǵa qurbandyqqa shalynǵan maldyń etin taratý úshin arnaıy adamdar jeke qorǵanysh quraldarymen qamtamasyz etiledi. Tez buzylatyn ónimderdi, sonyń ishinde qurbandyqqa shalynǵan maldyń etin tasymaldaý jáne saqtaý jónindegi sanıtarlyq-epıdemıologııalyq erejeler qatań saqtalady»,- dedi ol.


Avtor Alma Muqanova
Basty sózder: Almaty, Qurban aıt,
Joǵary qaraı