Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda Qulja tasjolyndaǵy jolaıyryq qashan ashylady

2021 jyldyń 23 qarasha 2021 21:51

ALMATY. QazAqparat - Almatyda Buqtyrma - Qulja avtojolynyń qıylysyndaǵy jolaıyryq 2022 jyldyń alǵashqy jartysynda paıdalanýǵa beriledi. Bul týraly qalalyq polıtsııa departamenti málim etti, dep habarlaıdy QazAqparat tilshisi.

Qulja tas joly men Buqtyrma kósheleriniń qıylysynda júrgizilip jatqan qurylys-montajdaý jumystary jáne jer telimderin memleket quzyryna qaıtarý men bıýdjettik qarjynyń jumsalýy kórsetilgen keste boıynsha atqarylýda.

«Qazirgi tańda, jolaıyryq qurylysy boıynsha aınalma joldar men 14 tirek nysan jáne soltústik baǵytqa qaraı júretin estakada jumystary tolyq aıaqtaldy. Jer asty ótkeli boıynsha estakada nysanynyń armotopyraqty tirek qabyrǵalary jáne ońtústik baǵyt boıynsha ınjenerlik júıeleý jumystary júrgizilip jatyr. Sonymen qatar, soltústik estakada boıymen Qulja tas joly kólikterge ashylyp, jol júrý birshama jeńildedi»,-deıdi Almaty qalalyq PD Ákimshilik polıtsııa basqarmasynyń bastyǵy Nurlan Amanbek.

Basqarma bastyǵynyń aıtýynsha, 2022 jyldyń alǵashqy jartysynda atalaǵan jolaıyryq boıynsha barlyq baǵyttaǵy joldar ashylady. Qurylys jumystary 2022 jyldyń 4 toqsanynda aıaqtalady.


Avtor Alma Muqanova
Basty sózder: Qurylys, Almaty,
Joǵary qaraı