Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda kovıd aýrýhanalarynda tósek-oryn sany kóbeıdi

2022 jyldyń 21 qańtar 2022 11:38

ALMATY. QazAqparat - Almatyda koronavırýs juqtyrǵan 1 350 naýqas em qabyldap jatyr. Bul týraly qalalyq qoǵamdyq densaýlyq basqarmasynan málim etti, dep habarlaıdy QazAqparat tilshisi.

20 qańtar kúngi aqparat boıynsha, bir táýlikte qalada 2 057 adam koronavırýs juqtyrǵan.

Barlyq emdelip shyqqandar – 141, kelip túskeni – 253.

«Infektsııalyq statsıonarlarda 1350 adam bar. Onyń ishinde 187 bala emdelýde. Tósek-oryn sany 3 310-ǵa deıin artty», – dep naqtylady qoǵamdyq densaýlyq basqarmasynyń baspasóz qyzmetinen.

Sondaı-aq, reanımatsııa jáne qarqyndy terapııa bóliminde 71 adam jatyr.

Al 12 naýqas jasandy tynys alý apparatyna qosylǵan.

Invazıvti emes jasandy tynys alý apparatynda 25 adam em qabyldaýdy jalǵastyrýda. High flow-da 8 apparat jumys isteıdi.

Medıtsınalyq-sanıtarııalyq alǵashqy kómek mobıldi brıgadalarynyń jáne Telemedıtsına ortalyǵynyń ambýlatorııalyq baqylaýynda 10 185 patsıent bar.

Onyń ishinde indet belgileri bar, ortasha aýyr jaǵdaıda – 9 644 naýqas.

Sımptomsyz 541 naýqas bar.


Joǵary qaraı