Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda kóshe-jol jelisiniń 234  shaqyrymynda asfalt jabyny joq

2022 jyldyń 24 qańtar 2022 14:06

ALMATY. QazAqparat - Almatyda 2025 jylǵa deıin joldyń sapasyn jaqsartý jumystary josparlanýda. Bul týraly onlaın brıfıngide Almaty qalalyq mobıldilik basqarmasynyń basshysy Ǵanı Myrzahanov aıtty, dep habarlaıdy QazAqparat tilshisi.

Onyń aıtýynsha, 2025 jylǵa deıin jumystardy oryndaý úshin jalpy uzyndyǵy 290 km jańa joldarǵa (2022 jyly – 70 km, 2023 jyly – 70 km, 2024 jyly – 70 km, 2025 jyly -80 km) ortasha jóndeý jáne 350 myń sharshy metrden astam asfaltbetondy jabynǵa aǵymdaǵy jóndeý jumystary júrgiziletin bolady.

Aıta keteıik, Almaty qalasynyń kóshe-jol jelisiniń uzyndyǵy 3096 km quraıdy, onyń 234 km-de asfalt jabyny joq.

Spıker sondaı-aq Almatyda jolaıryqtar salý jumys barysy týraly baıandady.

«Ótken jyly Rysqulov dańǵyly men Emtsov kóshesiniń qıylysyndaǵy jolaıryq boıynsha kólik qozǵalysy ashylǵan bolatyn. Aǵymdaǵy jyly 3 jolaıryqtarynyń qurylysy jalǵasady, olar – Buqtyrma kóshesi – Qulja kúre joly, Seıfýllın dańǵyly – Jansúgirov kóshesi jáne Saın kóshesi –

Móńke bı kóshesi qıylystaryndaǵy nysandar.

Búgingi kúnde Buqtyrma kóshesi – Qulja kúre joly jolaıryǵy boıynsha qurylys jumystary kestege sáıkes júrgizilýde. Qala aýmaǵynda ornalasqan qajetti jer telimderin satyp alý tolyǵymen aıaqtaldy. Talǵar aýdany aýmaǵynda ornalasqan 2 jer telimin satyp alý qalyp otyr. Bul máselemen Almaty oblysynyń ákimdigi aınalysýda jáne

bul jer telimderin satyp alý jaqyn arada oryndalatyn bolady», - dep atap ótti spıker.


Avtor Dýman Arǵyngeldi
Basty sózder: Almaty, Qurylys, Jol, Ákimdik,
Joǵary qaraı