Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda koronavırýstyń tórtinshi tolqynyn jeńýge vaktsına kómektesedi

2021 jyldyń 29 shilde 2021 16:45

ALMATY. QazAqparat - Almatynyń bas sanıtar dárigeri Jandarbek Bekshın JRVI jáne tumaýmen syrqattaný áldeqaıda joǵary bolǵan kezde kúzgi-qysqy maýsymǵa daıyndalý úshin qazir koronavırýsqa qarsy ekpe jasaý óte mańyzdy dep sanaıdy. Sonymen qatar qolda bar vaktsınalar agressıvti delta shtammyna qarsy turýǵa tıimdi, dep habarlaıdy QazAqparat.

Óńirlik kommýnıkatsııalar qyzmetinde ótken brıfıngte J. Bekshın qalanyń aldyńǵy indettiń úsh tolqynynan qalaı aman qalǵanyn eske saldy.

Bas sanıtardyń aıtýynsha, 2020 jyldyń naýryz aıynda alǵashqy tolqyn koronavırýstyń alǵashqy 82 jaǵdaıyn tirkeýden bastaldy.

Ótken jyldyń shildesinde 6 372 jaǵdaı tirkelip, qyrkúıekte 165 jaǵdaıǵa deıin tómendedi.

Epıdemııanyń ekinshi, shaǵyn tolqyny 2020 jyldyń qazan aıynda bastaldy - 366 jaǵdaı tirkeldi. 2021 jyldyń qańtarynda eń joǵary deńgeıge jetti – 3607 jaǵdaı.

Tómengi kórsetkish aqpan aıynda tirkeldi - 2 945 jaǵdaı.

«2021 jyldyń aqpan aıynyń sońy men naýryz aıynyń basynan bastap indettiń úshinshi tolqyny bastaldy, ol brıtan shtamyna baılanysty boldy. Sáýir aıynda 19 918 jaǵdaı tirkeldi. Al maýsym aıynda quldyrap, 4 573 jaǵdaıdy qurady», – dedi Almaty qalalyq SEBD basshysy.

15 maýsymda úndi shtamyna baılanysty indettiń tórtinshi tolqyny bastaldy.

Ol sharyqtaý shegine áli jetken joq, biraq Almaty epıdemıologtarynyń boljamy boıynsha bul kezeń 3 men 4 tamyzǵa týra keledi.

Almaty qalasy qoǵamdyq densaýlyq basqarmasynyń málimetinshe, qazirgi kezde ınfektsııalyq statsıonarlarda 4 148 adam jatyr, onyń 215-i - bala.

Reanımatsııada – 281 adam, ÓJJ apparatyna 27 naýqas qosylǵan, ınvazıvti emes ÓJJ-da – 121, High flow-da 98 apparat jumys isteıdi.


Joǵary qaraı