Aýa raıy
Astana 18 °S
Almaty 17 °S
valıýta baǵamy
USD 412.55
EUR 468.66
RUB 5.79
CNY 58.80

Almatyda koronavırýsty anyqtaıtyn mobıldi zerthana ashyldy

2020 jyldyń 6 shilde 2020 23:50

ALMATY. QazAqparat – Almatyda COVID-19 ınfektsııasyna skrınıng júrgizetin jekemenshik mobıldi zerthana iske qosyldy, dep habarlaıdy QazAqparat tilshisi.

Almaty ákimi Baqytjan Saǵyntaevtyń bastamasymen jedel medıtsınalyq kómek kórsetý aýrýhanasynyń aýmaǵynda koronavırýs ınfektsııasyn joǵarǵy dáldikpen anyqtaıtyn PTR dıagnostıkasy bar jekemenshik mobıldi zerthana ashyldy.

Zerthana PSI Group kompanııalar tobymen jáne otandyq óndirýshi Qarasaı mashına zaýytymen daıyndalǵan.

«Alǵashqy eki zerthana salyndy. Qala basshylyǵyna zerthanalardyń birin qalada qaldyrý jóninde usynys jasadyq. Bastamamyzdy qala ákimi Baqytjan Saǵyntaev qoldady», – dedi mashına jasaý jobasynyń dırektory Pavel Beklemıshev.

Sonymen qatar,ol zerthananyń PTR skrınıng ótkizý úshin QHR, Taıvan jáne Ońtústik Koreıa elderiniń qajetti quraldarymen tolyqtaı jabdyqtalǵanyn atap ótti.

Zerthananyń jobalyq óndirisi táýligine 500 saraptamany quraıdy. Zertteý materıaldary qalanyń medıtsınalyq mekemelerinen tegin medıtsınalyq kómek kepildendirilgen kólemi jáne mindetti áleýmettik medıtsınalyq saqtandyrý qory aıasynda joldanady.

Joba QR normatıvtik talaptary men halyqaralyq mamandardyń nusqaýlyqtaryna sáıkes oryndalǵan.

Búgingi kúni Almatyda koronavırýs ınfektsııasyn anyqtaıtyn 7 zerthana jumys istep tur.

Avtor Alma Muqanova
Basty sózder: Almaty, Koronavırýs, Medıtsına, Ǵylym,
Joǵary qaraı