Aýa raıy
Astana -2 °S
Almaty 4 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda koronavırýspen kúreske bólingen qarajat tekserilip jatyr

2020 jyldyń 17 qyrkúıek 2020 15:14

ALMATY. QazAqparat – Almaty qalalyq qoǵamdyq densaýlyq saqtaý basqarmasynyń basshysy Kamaljan Nadyrov onlaın brıfıng barysynda koronavırýspen kúreske bólingen qarajattyń qaıda jumsalǵany tekserilip jatqanyn aıtty, dep habarlaıdy QazAqparat tilshisi.

Bul aqparat Facebook jelisinde taraǵan bolatyn. Aqparatqa sáıkes, polıtsııa qyzmetkerleri basqarma ofısine kelip, kompıýterlerdi tárkilep alyp ketken.

«Iá, shynymen COVID-19 qarsy kúreske bólingen qarajattyń jumsalýyna qatysty tekserý júrip jatyr. Buǵan qatysty túsinikteme bere almaımyn. Saýaldaryńyzdy quqyq qorǵaý organdaryna qoıǵandaryńyz abzal», - dedi basqarma basshysy.

Kamaljan Nadyrov basqarmanyń shtattyq rejımde jumys istep turǵanyn aıtty.

«Bul - qalypty jumys protsesi. Quqyq qorǵaý organdary bıýdjet qarajatynyń qaı maqsatta jumsalǵanyn tekserip jatyr. Al biz óz mindetimizdi atqarýdy jalǵastyra beremiz», -dedi ol.


Joǵary qaraı