Aýa raıy
Astana -2 °S
Almaty 4 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda koronavırýspen aýyrǵandar qaı jerde ońaltýdan tegin óte alady

2020 jyldyń 21 qyrkúıek 2020 18:45

ALMATY. QazAqparat – Almaty qalalyq qoǵamdyq densaýlyq saqtaý basqarmasy COVID-19 aýyrǵandar tegin ońaltýdan óte alatynyn aıtty, dep habarlaıdy QazAqparat tilshisi.

Densaýlyq saqtaý basqarmasy málim etkendeı, qazir Almaty qalasynyń emhanalarynda ońaltý bólimsheleri ashylyp, jumys istep jatyr.

«Ońaltý – hırýrgııalyq operatsııadan keıin, onyń ishinde sozylmaly aýrýlar, jaraqat jáne basqa da syrqat saldarynan kúndelikti ómirde fýnktsıonaldyq shekteýlerge tap bolǵan jandardy birtindep qalpyna keltirýdiń qajetti is-sharalar kesheni. Bizdiń ortalyq barlyq jastaǵy adamdarǵa kúndelikti qyzmetin toqtatpaı nemese qaıta bastaýǵa múmkindik beretin ońaltý qyzmetterin usynady. Bizde myqty kásibı komanda bar, onyń maqsaty - zaqymdalǵan fýnktsııalardy barynsha qalpyna keltirý. Qazirgi ýaqytta koronavırýspen aýyryp shyqqan naýqastarǵa ońaltý júrgizip jatyrmyz» – deıdi №4 qalalyq emhananyń bas dárigeri Zýhra Ýmarova.

№4 qalalyq emhanada medıtsınalyq ońaltý bólimshesi jumys isteıdi.

COVID-19 pandemııasyna baılanysty qazirgi ýaqytta naýqastarǵa ottegi terapııasy, arnaıy drenajdy massaj, tynys alý gımnastıkasynyń belgili bir ádisteri, fızıoterapııa jattyǵýlary belsendi túrde júrgizilip otyr.


Avtor Alma Muqanova
Basty sózder: Koronavırýs, Medıtsına, Almaty,
Joǵary qaraı