Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda koronavırýs juqtyrǵan 48 naýqas tynys alý apparatyna qosylǵan

2021 jyldyń 23 qyrkúıek 2021 10:33

ALMATY. QazAqparat - Almatyda koronavırýs juqtyrǵan 2 263 naýqas em qabyldap jatyr. Bul týraly qalalyq qoǵamdyq densaýlyq basqarmasynan málim etti, dep habarlaıdy QazAqparat tilshisi.

22 qyrkúıek kúngi aqparat boıynsha, bir táýlikte qalada 549 adam koronavırýs juqtyrǵan.

Munyń ishinde sımptomdy, jeńil jáne ortasha deńgeıdegi belgilermen – 508, sımptomsyz – 41 naýqas tirkeldi.

Barlyq emdelip shyqqandar – 265, kelip túskeni – 208.

«Infektsııalyq statsıonarlarda 2 263 adam bar (tósek-orynnyń jalpy sany –5230), onyń ishinde 102 bala emdelýde», – dep naqtylady Qoǵamdyq densaýlyq basqarmasynyń baspasóz qyzmetinen.

Sondaı-aq, reanımatsııa jáne qarqyndy terapııa bóliminde 231 adam jatyr.

Al 48 naýqas jasandy tynys alý apparatyna qosylǵan.

Invazıvti emes jasandy tynys alý apparatynda 95 adam em qabyldaýdy jalǵastyrýda. High flow-da 66 apparat jumys isteıdi.

Medıtsınalyq-sanıtarııalyq alǵashqy kómek mobıldi brıgadalarynyń jáne Telemedıtsına ortalyǵynyń ambýlatorııalyq baqylaýynda 5085 patsıent bar.

Onyń ishinde indet belgileri bar, ortasha aýyr jaǵdaıda – 4944 naýqas. 141 adamda koronavırýs belgileri joq.


Joǵary qaraı