Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda koronavırýs jaǵdaılary 14 jasqa deıingi balalar arasynda artty

2021 jyldyń 25 qazan 2021 15:07

ALMATY. QazAqparat - Jyl basynan beri Almatyda 14 jasqa deıingi 3 myńnan astam bala koronavırýs juqtyrdy, dep habarlaıdy QazAqparat tilshisi.

Almaty qalalyq Qoǵamdyq densaýlyq saqtaý basqarmasynyń málimetine sáıkes, megapolıste balalar arasynda koronavırýs ınfektsııasy ótken jylmen salystyrǵanda aıtarlyqtaı artqan.

«Bıylǵy jyldyń 9 aıynda 14 jasqa deıingi 3438 baladan koronavırýs anyqtaldy. 2020 jyldyń osy kezeńinde Almatyda 363 bala aýyrǵan bolatyn. Balalar arasynda juqtyrý edáýir artty», - dep habarlady basqarmadan.

Buǵan deıin Almatyda 1 qyrkúıekten beri 2960 mektep oqýshysy koronavırýs juqtyrǵany týraly jazǵan bolatynbyz.

Qalalyq ákimdik taratqan málimetke sáıkes, koronavırýs indeti 263 mektepte tirkeldi. Sonyń ishinde dástúrli bilim alyp júrgender arasynan 1737 jaǵdaı anyqtaldy.

Aıta keteıik, eger synypta bir bala aýyrsa, oqýshylar eki apta úı karantıninde bolady.


Joǵary qaraı