Aýa raıy
Astana -24 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda koronavırýs qaı jerlerden kóp juqqany belgili boldy

2020 jyldyń 27 qarasha 2020 14:47

ALMATY. QazAqparat – Almatynyń Sanıtarııalyq-epıdemıologııalyq baqylaý departamenti basshysy, qalanyń bas memlekettik sanıtar dárigeri Jandarbek Bekshın onlaın brıfıng barysynda vırýsty almatylyqtardyń qaıdan juqtyryp júrgenin aıtty, dep habarlaıdy QazAqparat tilshisi.

Onyń aıtýynsha, statıstıkalyq derekterge sáıkes, adamdar kóbinese qoǵamdyq oryndar - túngi klýbtar, tamaqtaný oryndary, saýda jáne oıyn-saýyq ortalyqtary, saýda úıleri men bazarlarda (33,7%), úı jaǵdaıynda (28,7%), qoǵamdyq kólikte (18,5%), jumys ornynda (13,1%) juqtyrady. 3,5% - y shet elderden alyp kelgen.

Qalǵan 2,1% qaıdan juqtyrǵany belgisiz.

«KVI-men aýyrǵan adamdardyń basym kópshiligi 20 men 39 jas aralyǵyndaǵylar. Bul joǵaryda atalǵan mekemelerge baratyn jastar, demek jumysqa barar jolda, qoǵamdyq oryndarda bolǵanda ınfektsııany juqtyryp úıge alyp kelgender. 26 qarashadaǵy jaǵdaı boıynsha Almaly jáne Bostandyq aýdandary sary beldeýde tur. Bul aýdandarda aýrý kórsetkishi 28,5 jáne 29,4, Rt bolyp tur. M.Áýezov (21,2) jáne Medeý (23,3) aýdandary koronavırýs ınfektsııasynyń juǵý jıiligi boıynsha qaýip tobynda tur. Taralý ındeksi boıynsha eń turaqty jaǵdaı Jetisý (0,9) jáne Túrksib (1,0) aýdandarynda baıqalady», - dedi J.Bekshın.


Joǵary qaraı