Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda kópqabatty úıdiń shatyrynan sekirip ólmek bolǵan er adam qutqaryldy

2021 jyldyń 17 qyrkúıek 2021 10:30

ALMATY. QazAqparat- Almatyda kópqabatty úıdiń shatyrynan sekirmek bolǵan er adam qutqaryldy, dep habarlaıdy QazAqparat tilshisi.

Almaty qalalyq polıtsııa departamentiniń málimetinshe, jergilikti turǵyndar polıtsııaǵa «Kókmaısa» yqshamaýdanyndaǵy úılerdiń biriniń shatyrynyń shetinde otyrǵan er adam týraly habar bergen.

«Azamattar maǵan júgingende men ákimshilik bólimimde statsıonarlyq polıtsııa postynda otyrdym. Kórsetilgen úıge tez júgirip bardym, sondaı-aq patrýldik polıtsııadaǵy áriptesterimnen kómek suradym. Men er adammen sóılesip, asyǵys áreket jasamaýǵa kóndirip jatqanda patrýldik polıtseıler tóbege kóterildi», – deıdi Jetisý aýdandyq polıtsııa basqarmasynyń ýchaskelik ınspektory Nurlan Qonysov.

Patrýldik polıtsııa ınspektory Abylaıhan Oqasovtyń aıtýynsha, oqıǵa ornyna birneshe mınýtta jetken.

«Biz oqıǵa ornyna birneshe mınýt ishinde jettik. Qaı jaǵynan eshkimge bildirmeı shatyrǵa shyǵýǵa bolatynyn jergilikti turǵyndar kórsetti. Áriptesimiz ekeýmiz jasyryn túrde dese de bolady, shetine qaraı órmelep bardyqta er adamdy sol jerden túsirdik», – dedi ýchaskelik ınspektor Abylaıhan Oqasov.

Ózine qol jumsamaq bolǵan adam – Shyǵys Qazaqstannyń týmasy.

Ol kúızeliske ushyrap, sýıtsıdke barý týraly sheshim qabyldaǵan.


Avtor Alma Muqanova
Basty sózder: Oqıǵa, Almaty,
Joǵary qaraı