Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda qonaq úıde 1 jasar qyzyn uryp óltirgen Brıtan azamatyna sot úkimi shyqty

2021 jyldyń 4 mamyr 2021 20:00

ALMATY. QazAqparat – Almaty qalasynyń qylmystyq ister jónindegi sotynda kishkentaı qyzyn óltirýde aıypty tanylǵan Barakat Mohammedke qatysty sot úkimi shyqty, dep habarlaıdy QazAqparat.

Sot anyqtaǵandaı, ótken jyldyń qazan aıynda Ulybrıtanııa azamaty Barakat Mohammed otbasymen birge Almaty qalasyndaǵy qonaqúılerdiń birine jaıǵasqan.

Alkogol jáne esirtkige mas bolǵan er adam zaıybymen bolǵan janjaldan keıin ashýǵa býlyǵyp, bir jasar qyzyn soqqyǵa jyǵyp, onyń ólimine sebepker boldy.

Birinshi ınstantsııaly sottyń úkimi boıynsha, er adam balany qasaqana óltirýde aıypty dep tanylyp, 20 jylǵa bas bostandyǵynan aıyrý jazasyna kesildi.

Oǵan qosa, er adam Qazaqstan aýmaǵynan bes jylǵa qýyldy.

Sottalýshynyń kinásin oqıǵaǵa kýá bolǵan qonaqúıdegi qyzmetshi áıel rastady.

Ol qabyrǵaǵa urylǵan dybysty estigen soń bala jylaǵany basylyp qalǵanyn, odan keıin jábirlenýshi áıeldiń qonaqúı bólmesine kirgenin, ol jerden es tússiz balanyń denesin shyǵarǵanyn aıtty.

Onnan astam kýáger áıeldiń resepshenge kelip, mas kúıeýiniń balasyn óltirgeni týraly aıtqanyn rastady.

Sot-medıtsınalyq saraptamanyń qorytyndysy boıynsha, sottalýshynyń epıleptıkalyq ustama kezinde bala ústine qulap, ony abaısyzda óltirip alǵany týraly nusqasy rastalǵan joq.

Qorǵaý tarapy usynǵany medıtsınalyq qujattar sottalýshynyń buryn qoıanshyq aýrýyna shaldyqqanyn rastaıtyn qandaı da bir dálelderi bolǵan joq.

Barakat Mohamed – áýe kompanııasynyń ushqyshy, medıtsınalyq tekserýden únemi ótip júrgen, densaýlyq jaǵdaıy jaqsy.

Sondyqtan sot sottalýshyny eshqashan qoıanshyq aýrýymen aýyrmaǵan degen túıin jasady.

Almaty qalalyq sotynyń qaýlysy boıynsha birinshi ınstantsııaly sot úkimi ózgerissiz qaldy.

Eske sala ketsek , 2019 jyldyń 24 qazanynda Almaty qalasyndaǵy «bes juldyzdy» qonaqúıde ákesi óziniń bir jarym jasar qyzyn soqqyǵa jyǵyp, bala qaıtys bolǵan edi.

Bastapqyda er adamnyń óz balasyn býyndyryp óltirgeni habarlandy. Odan keıin sábıdiń ólimine qatty soqqyǵa jyǵý sebep boldy degen nusqa shyqqan.


Basty sózder: Oqıǵa, Almaty, Sot, Zań,
Joǵary qaraı