Aýa raıy
Astana -28 °S
Almaty -4 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda kolledj kásipodaǵy stýdentterdiń shákirtaqysynan zańsyz aqsha ustaǵan

2020 jyldyń 20 qarasha 2020 11:31

ALMATY. QazAqparat – Almaty qalalyq prokýratýrasy stýdentterdiń quqyǵyn qorǵady, dep habarlaıdy QazAqparat tilshisi.

Qala prokýratýrasy kolledjderdiń qyzmetine stýdentterdiń sabaqqa qatyspaǵany úshin aıyppul sanktsııalaryn salýdyń zańdylyǵyna taldaý júrgizdi.

Monıtorıng kórsetkendeı, Almatyda birqatar kolledj sabaqqa qatyspaǵany úshin stýdentterge aıyppul salady, al basqalary olarǵa tártiptik jaza qoldanady. Sonymen qatar, keıbir kolledjderdiń normatıvtik qujattary stýdentterge aıyppul sanktsııalaryn qoldanýdy qarastyrady.

«Qala prokýratýrasynyń aralasýynan keıin kolledj ákimshilikteri osy tarmaqtardy alyp tastady. Qadaǵalaý aktisi boıynsha kolledjde oqıtyn 473 stýdenttiń quqyǵy qalpyna keltirildi, stýdentterge salynǵan 3 mln teńge kólemindegi aıyppul qaıta óteldi. Sonymen qatar, 4 myńnan astam kolledj stýdentteriniń shákirtaqysynan kásipodaq 4,5 mln teńgeni zańsyz ustap qalǵany anyqtaldy»,– dep habarlady vedomstvodan.

Zańǵa sáıkes, kásipodaqtardyń qyzmeti jumys berýshiniń aldynda jumyskerdiń quqyǵy men múddesin qorǵaýǵa baǵyttalǵan.

«Sondyqtan qadaǵalaý aktisimen stýdentterdiń stıpendııasynan ustap qalý jáne aıyppul sanktsııalaryn óndirip alýdyń zańsyz praktıkasy toqtatyldy. Stýdent jastardyń quqyqtaryn saqtaý qala prokýratýrasynyń turaqty baqylaýynda»,– dep atap ótti prokýratýradaǵylar.


Avtor Alma Muqanova
Basty sózder: Qylmyspen kúres, Ekonomıka, Almaty,
Joǵary qaraı