Aýa raıy
Astana -11 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda kınoteatrlar uzaq úzilisten keıin qalaı jumys istemek

2020 jyldyń 27 qazan 2020 20:30

ALMATY. QazAqparat – Almatynyń bas sanıtar dárigeri Jandarbek Bekshın 26 qazannan bastap kınoteatrlardyń jumys isteýine ruqsat bergen bolatyn. Mundaı nysandardyń toqtap turǵanyna jarty jyldan asty, dep habarlaıdy QazAqparat tilshisi.

Bas dáriger qaýlysyna sáıkes 26 qazannan bastap ruqsat berilse de, búgin kóptegen kınoteatrlar jabyq boldy.

Olardyń kópshiliginde daıyndyq júrip, dezınfektsııalyq sharalar atqarylyp jatyr.

«Qazir biz dıstrıbıýtorlardan fılmderdiń tolyq seansyn kútip otyrmyz. Árıne, epıdahýalǵa baılanysty túngi kórsetilimder bolmaıdy. Adamdar shahmattyq tártipte otyrady. Resmı ashylý erteń bolady. Búgin zaldar tolyq kvartstalady. Bizdiń zalǵa adamdar ortalyq ýnıvermag jaǵynan kiretin bolsa, endi jeke kireberisten kiretin bolady», - dedi qaladaǵy iri kınoteatrlardyń biriniń basqarýshysy ıÝlııa Veber.

Sonymen qatar, kınoteatrlarǵa bıletti ázirge onlaın satýǵa týra keledi.

«Kirgen kezde kúzetshiler kelýshilerdiń maskasyn tekseredi, temperatýrasyn ólsheıdi. Eger adamda maska bolmasa, oǵan qyzmetkerler jańasyn beredi. Kınoteatrlar jumysy 10:00-22:00 aralyǵynda bolady. Zaldar 30 paıyzǵa tolǵan kezde esik jabylady. Bılet quny ózgergen joq. 1000-3000 tg aralyǵynda bolady», - deıdi kınoteatrlar jelisiniń PR dırektory Erlan Buqarbaev.

Al otbasymen kelgen kórýshilerdi otyrǵyzý tártibin ákimshilik sheshedi.

Aıta ketý kerek, Almatyda 26 qazannan bastap bas sanıtar dáriger Jandarbek Bekshın kınoteatrlar men saýda oıyn saýyq ortalyqtarynyń jumysyna ruqsat bergen bolatyn.





























Joǵary qaraı