Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda qaıǵyly oqıǵalar kezinde qaı aýdanǵa eń kóp zaqym keldi

2022 jyldyń 17 qańtar 2022 14:33

ALMATY. QazAqparat - Qańtar aıyndaǵy oqıǵalar barysynda Almaly aýdanyna eń kóp zaqym kelgen. Bul týraly Almatynyń tynys-tirshiligin qalpyna keltirý jónindegi qalalyq shtab otyrysynda qala ákimniń orynbasary Іlııas Óserov aıtty, dep habarlaıdy QazAqparat tilshisi.

«Almaly aýdanynda 7 azyq-túlik dúkeni, 284 azyq-túlik emes dúkeni, 2 qarý-jaraq dúkeni, 15 qoǵamdyq tamaqtaný nysany, 35 lombard, 5 janar-jaǵar maı quıý stantsııasy, 25 qarjy uıymy, 29 iri bıznes nysany jáne t.b. zaqymdanǵan. Aýdannyń jalpy shyǵyny 20,4 mlrd teńgeni qurady», - dedi qala ákiminiń orynbasary.

Sonymen qatar, Áýezov jáne Bostandyq aýdandarynyń da shyǵyny úlken.

Mysaly, Áýezov aýdanynda 153 dúken, onyń ishinde 1 qarý-jaraq, 9 qoǵamdyq tamaqtaný orny, 21 JQS, 11 lombard jáne 10 iri bıznes nysany qırady. Jalpy shyǵyn 20,1 mlrd teńgege baǵalandy.

Al Bostandyq aýdanyndaǵy nysandar 17,3 mlrd teńgege shyǵynǵa ushyrady.

Іlııas Óserovtyń aıtýynsha, eń az shyǵyn - Naýryzbaı aýdanynda. Onda shyǵyn kólemi 72,5 mln teńgeni kórsetti.

Qala ákiminiń orynbasary zardap shekken nysandar boıynsha derek jınaý jumysy jalǵasyp jatqanyn atap ótti.

«Belgili bolǵandaı, qazirgi ýaqytta Úkimet zalaldy baǵalaý jáne óteý tetigin ázirlep jatyr. Bul qujatta óteý somasyn anyqtaý ádistemesi, komıssııalar men baǵalaýshylardyń jumys tártibi, sondaı-aq, basqa da rásimder reglamentteledi», - dedi Іlııas Óserov.

Aıta keteıik, ótinimdi infokazakhstan.kz saıtynda berýge bolady (ákimshisi «Atameken» UKP, saıt tehnıkalyq daıyn).

Ótinimge kásipkerler tetikte kórsetiletin qujattar paketin, onyń ishinde zalal faktisi boıynsha qylmystyq is qozǵaý týraly habarlamany qosa berýi kerek.

Esep zalaldyń 3 sanaty boıynsha júrgiziledi: jyljymaıtyn múlik, jyljymaly múlik jáne jabdyqtar, taýarlar.

Budan ári ótinimderdi aýdandyq komıssııa qaraıdy.

Onyń quramyna máslıhat, ákimdik, kásipkerler palatasy jáne qoǵamdyq birlestikter ókilderin qosý josparlanǵan.

Budan ári búkil rastaıtyn qujattar men baǵalaý nátıjesiniń negizinde komıssııa zalaldy óteý týraly sheshim qabyldaıdy.


Joǵary qaraı