Aýa raıy
Astana -19 °S
Almaty -13 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda kásipkerlerdiń quqyǵyn qorǵaıtyn mobıldi top jumys isteıdi

2020 jyldyń 23 qarasha 2020 16:55

ALMATY. QazAqparat – Almaty qalasy prokýrorynyń ókimimen prokýratýra qyzmetkerleri men kásipkerler palatasynyń ókilderinen kásipkerlerdiń quqyǵyn qorǵaý jónindegi mobıldi top quryldy, dep habarlaıdy QazAqparat tilshisi.

Mobıldi top a zamattar men zańdy tulǵalar ókilderiniń ótinishi boıynsha qurylyp otyr.

Mysaly, Bostandyq aýdanynyń prokýratýrasy memlekettik satyp alý sharty aıasynda oryndalǵan mindettemeler úshin «Almaty Sý» MKK jetkizýshilerine 20 kúntizbelik kúnnen artyq aqsha tólemeý faktilerin anyqtady.

«Zań boıynsha tapsyrys berýshi shartqa sáıkes, taýarlardy, jumystar men kórsetiletin qyzmetterdi qabyldaǵannan keıin aqy tóleý merzimi bes jumys kúninen aspaıtyn ýaqytta júzege asyrylýy kerek. Qadaǵalaý aktisi boıynsha 27 jetkizýshige 36 mln teńge somasynda tólem júrgizildi»,– dep habarlady qalalyq prokýratýradan.

Budan basqa, Medeý aýdanynyń prokýratýrasy qoǵamdyq tamaqtaný ornynyń jumysyn jalǵastyrýǵa kómektesti. Buǵan deıin qylmystyq qýdalaý organymen mórlengen bolatyn.Prokýratýra qylmystyq is boıynsha nusqaý bergennen keıin kásipker óziniń meıramhanasyn ashyp, shtattyq rejımde jumys isteı bastady.

Bıznesti qorǵaý jumystary jalǵasýda.

Aıta keteıik, bul top táýlik boıy jumys isteıdi.


Avtor Alma Muqanova
Basty sózder: Aımaq, Almaty, Kásipkerlik, bıznes,
Joǵary qaraı