Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda qarý-jaraq dúkenin tonady degen kúdikpen eki er adam ustaldy

2022 jyldyń 15 qańtar 2022 15:01

ALMATY. QazAqparat- Almatyda arnaıy operatsııa barysynda polıtseıler eki er adamnan qarý-jaraq tárkiledi. Bul týraly Almaty qalasy komendatýrasynyń aqparattyq ortalyǵy málim etti, dep habarlaıdy QazAqparat tilshisi.

Komendatýra málimetinshe, eki qarý-jaraq dúkenin tonady degen kúdikpen Jambyl oblysynyń 44 jastaǵy turǵyny men Almaty oblysynan kelgen 24 jastaǵy er adam ustaldy.

Jalǵa alynǵan páterdi tintý kezinde ańshy myltyǵy, patrondar, oqtan qorǵaıtyn keýdeshe, dúrbi, áskerılendirilgen kıimder, uıaly telefondar men kıimder tabylyp, tárkilendi.

Kúdiktiler dúken tonaǵandaryn moıyndady.

«Olar urlaǵan zattardy alyp, qaladan ketýdi josparlaǵandaryn aıtty. Ustalǵandardyń kim ekeni jáne jappaı tártipsizdikterge, zańsyz áreketterge qatysy bar-joǵy tekserilip jatyr»,-dep habarlady komendatýradan.








Joǵary qaraı