Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda karantın talabyn buzǵan 26 mekeme anyqtaldy

2021 jyldyń 20 qyrkúıek 2021 17:18

ALMATY. QazAqparat - Almatynyń monıtorıng toby eki kúnde karantın talabyn buzǵan 26 mekemeni anyqtady, dep habarlaıdy QazAqparat tilshisi.

Monıtorıng tobynyń málimetinshe, Almatynyń kóńil kóterý mekemelerinde áli de jumys rejımin buzatyndar bar, qonaqtardy otyrǵyzý kezinde áleýmettik qashyqtyq saqtalmaıdy, qyzmetkerler maska taqpaıdy.

Almatydaǵy qoǵamdyq tamaqtaný oryndary men kompıýterlik klýbtarǵa júrgizilgen eki kúndik tekserýdiń qorytyndysy osyndaı.

«Demalys kúnderi qalada tekserý kúsheıtildi, kásipkerlik obektileri boıynsha 26 zań buzýshylyq anyqtaldy. Quqyq buzýshylar tiziminde: Raıymbek dańǵylyndaǵy «Street Bar», «Aınur» kafesi, «Grand Opera» kesheni, T-Bar laýndj-bary, «Mıata na Seıfýllına» laýndj bary jáne «Night Star» kafesi bar»,- dep habarlady monıtorıng top ókilderi.

13-19 qyrkúıek aralyǵynda karantın sharalaryn buzǵan 166 mekeme anyqtaldy. 19 zańdy tulǵaǵa 6 373 645 teńgege 141 hattama toltyryldy. Sonymen qatar, maska rejımin buzǵany úshin 122 adamǵa 5 425 620 teńge kóleminde aıyppul salyndy.

Almaty qalasynyń sanıtarlyq-epıdemıologııalyq baqylaý departamenti jyl basynan beri monıtorıng toptarynyń 39 972 nysandy teksergenin, onyń 3 814 -de karantınniń túrli buzýshylyqtary anyqtalǵanyn naqtylady. Jalpy somasy 461 mln teńgeden asatyn 5 988 hattama jasaldy.

Sanıtarlyq dárigerler, jergilikti atqarýshy organdar men polıtsııa qyzmetkerleri megapolıs turǵyndaryn halyq kóp jınalatyn merekelik sharalardan bas tartýǵa shaqyrady. Barlyq usynystarǵa jaýapkershilikpen qaraý qaýipti ınfektsııanyń taralýyn azaıtýǵa kómektesedi.

Aýrýdyń jańa órshýine jol bermeý úshin sanıtarlyq-epıdemıologııalyq erejelerdi saqtaý, koronavırýsqa qarsy vaktsınatsııany saldyrý, betperde taǵý, adamdar kóp jınalatyn jerlerge barmaý, qoldy jıi jýý qajet.


Avtor Alma Muqanova
Basty sózder: Almaty, Koronavırýs, Karantın,
Joǵary qaraı