Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda qar tazalaý jumystary bastaldy

2022 jyldyń 19 qańtar 2022 23:25

ALMATY. QazAqparat - Búgin saǵat 16.15-ten bastap Almatyda qar jaýa bastady. Saǵat 21.00-de qalanyń joǵarǵy bóliginde qardyń mólsheri 6-8 sm-ge jetti, dep habarlaıdy QazAqparat tilshisi.

Almaty ákimdigi taratqan málimetke sáıkes, qalada kóktaıǵaqtyń aldyn alý maqsatynda joldarǵa qar eritetin materıaldar sebilýde. Qazirgi ýaqytta osy materıaldyń 1100 tonnasy paıdalanyldy.

Taýly jáne taý bókterindegi jerlerde, sondaı-aq, negizgi magıstraldy kóshelerde qar kúreý jumystary bastaldy.

Sondaı-aq, trotýarlardy, jaıaý júrginshiler júretin aımaqtardy, qoǵamdyq kólik aıaldamalaryn, kópshilik paıdalanatyn oryndardy tazalaý boıynsha jumystar uıymdastyryldy.

Túngi ýaqytta 535 birlik tehnıka, onyń ishinde 208 qumshashqysh jáne 338 jumysshy jumyldyrylady.

Aýdan ákimdikteri men qala ákimdiginde qar tazalaý jumystarynyń óndirisin baqylaý boıynsha táýlik boıy kezekshilik uıymdastyryldy.

Qazgıdromettiń boljamy boıynsha, qar aralas jaýyn-shashyn 20 qańtarda túske taman aıaqtalýy tıis.

Aýa temperatýrasy búgin túnde 0,-2 gradýs, 20 qańtarda kúndiz +1, +3 bolady dep kútilýde.



Avtor Dýman Arǵyngeldi
Basty sózder: Qoǵam, Almaty,
Joǵary qaraı