Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda qansha adam turǵyn úı kezeginde tur

2021 jyldyń 20 qyrkúıek 2021 16:49

ALMATY. QazAqparat- Almatyda 31 myńnan astam azamat úı kezeginde tur. Bul týraly onlaın brıfıng barysynda Almaty qalasy Turǵyn úı saıasaty basqarma basshysynyń orynbasary Ermek Ámirov málim etti, dep habarlaıdy QazAqparat tilshisi.

«Qalada halyqty turǵyn úımen qamtamasyz etý belsendi júrgizilýde. Búginde turǵyn úı kezeginde 31 myńnan astam azamat tur, olardyń 20 myńnan astamy áleýmettik jaǵynan osal topqa jatady. Elbasynyń tapsyrmasymen turmysy tómen azamattardy turǵyn úımen qamtý boıynsha «Baqytty otbasy» baǵdarlamasy iske asyrylyp jatyr. Oǵan kópbalaly, tolyq emes otbasy jáne múgedek balany asyraýshylar kiredi», - deıdi spıker.

Onyń aıtýynsha, úsh jyl ishinde «Baqytty otbasy» baǵdarlamasy aıasynda 634 otbasy bankke óz tólem qabilettiligin rastap, baspanaly boldy.

Sonymen qatar bıyl jergilikti bıýdjetten osy baǵdarlamaǵa 3,3 mlrd teńge kóleminde qosymsha qarajat bólindi. Osylaısha josparlanǵan 790 páterdiń sany 1013-ke jetti.

«Sondaı-aq kópbalaly otbasylar, múgedek balany asyraýshylar jáne jetim balalarǵa «Baqytty otbasy» baǵdarlamasy aıasynda jergilikti bıýdjetten arnaıy 2 mlrd teńge bólindi. Ol ár adamǵa 1 mln teńgeden, ıaǵnı 2 myń adamǵa páteriniń alǵashqy jarnasy retinde beriledi. Qazir 1 mln teńgelik sertıfıkattardy tabystaý jumysy júrgizilip jatyr», - deıdi Ermek Ámirov.

Oǵan qosa «Almaty Jastary» baǵdarlamasy aıasynda byltyr 1003 jas otbasy baspanaly bolǵan, bıyl da úımen qamtý sol deńgeıde bolmaq.

Aıta keteıik, keshe Almatyda qala kúnine oraı 227 otbasy páter kiltin aldy



Avtor Alma Muqanova
Basty sózder: Turǵyn úı, Almaty,
Joǵary qaraı