Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda qandaı mamandyqtarǵa suranys joǵary

2022 jyldyń 16 mamyr 2022 21:10

ALMATY. QazAqparat – Almatyda halyqty jumyspen qamtý ortalyǵynyń dırektory Dılıara Imanqulova megopolıste eń kóp suranysqa ıe mamandyqtar týraly aıtty, dep habarlaıdy QazAqparat tilshisi.

«Tájirıbe kórsetkendeı, qazirgi ýaqytta bizdiń eńbek naryǵynda suranysqa ıe bes sala bar: medıtsına, farmatsevtıka, bilim berý, tárbıe, óndiris. Qazir talapkerge mamandyqty qalaı durys tańdaý kerektigi jóninde keńes berý óte qıyn, óıtkeni eńbek naryǵyndaǵy suranys tez ózgerip jatyr», - dedi ol brıfıng barysynda.

Onyń aıtýynsha, ásirese IT-tehnologııa salasyna suranys joǵary.

«Bizde medıtsına men bilim salasynda bos oryndar jıi bolady. Sondyqtan men bizdiń talapkerlerge osy mamandyqtardyń birin tańdaýǵa keńes berer edim», - dedi spıker.

Dılıara Imanqulova qazir qashyqtan jumys isteıtinderdiń sany artqanyn aıtty. Elimizde jyl saıyn bolashaq mamandyqtardyń atlasy jasalady.

Aıta keteıik, búgingi kúni 13 460 almatylyq jumyssyz retinde tirkelgen.


Joǵary qaraı