Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda kameralardyń kómegimen 1,5 myńǵa jýyq qylmys ashyldy

2021 jyldyń 12 mamyr 2021 23:49

ALMATY. QazAqparat- Almatyda beınebaqylaý kameralarynyń kómegimen 1,5 myńǵa jýyq qylmys ashyldy. Bul týraly tikeleı efır kezinde Baqytjan Saǵyntaev málim etti, dep habarlaıdy QazAqparat tilshisi.

Almaty ákimi qaladaǵy polıtsııanyń tehnıkalyq jabdyqtalýy men beınebaqylaý jelisiniń kóbeıýi qylmysty ashýǵa oń áser etkenin jetkizdi.

«Qazir jańa tehnıkany qoldanbaı qylmyspen kúresý múmkin emes. Sondyqtan polıtsııa organdaryn jabdyqtaýǵa erekshe nazar aýdarylyp otyr. Qoǵamdyq tártipti qorǵaýdy qamtamasyz etetin polıtsııa qyzmetkerlerine vıdeoregıstratorlardyń 529 jańa býyny satyp alyndy. Jaqyn arada barlyq polıtsııa qyzmetkerlerine osyndaı vıdeoregıstratorlar beriledi»,-dedi ákim.

Sonymen qatar ol 1 myńnan astam elektrondy planshet satyp alynǵanyn, sonyń arqasynda hattamalar men qujattardy toltyrý ýaqyty edáýir qysqarǵanyn aıtty. Eger buryn hattamany toltyrýǵa 30-40 mınýt ketetin bolsa, qazir bul ýaqyt 5-7 mınýtqa deıin qysqarǵan.

«Búginde qalalyq Polıtsııa departamentiniń jedel basqarý ortalyǵynda 4 myń beınebaqylaý kameralarynyń kómegimen monıtorıng júrgizilýde. Jyl basynan beri kameralardyń kómegimen 1425 qylmys ashyldy, 780 myń ákimshilik quqyq buzýshylyq anyqtaldy. Beınemonıtorıg júıesiniń jobasy ázirlenýde, onyń aıasynda qalanyń qoǵamdyq oryndarynda 3 myń kamera ornatylady»,-dedi Baqytjan Saǵyntaev.

Sonymen qatar, ol «102» mobıldi qosymshasy jasalǵanyn tilge tıek etti. Endi kez-kelgen azamat qosymsha arqyly onlaın qońyraý soǵyp, bolǵan oqıǵa týraly habardy tarata alady.


Joǵary qaraı