Almatyda qala mańy marshrýttarynyń jumys ýaqyty ózgerdi

ALMATY. QazAqparat - Almatyda qala mańy marshrýttarynyń jumys ýaqyty uzartyldy. Endi avtobýstar saǵat 9:00-den 20:00-ge deıin qatynaıdy, dep habarlaıdy QazAqparat tilshisi.

«Almaty oblysynda komendanttyq saǵattyń saǵat 23:00-den tańǵy 7:00-ge deıin ózgerýine baılanysty 13 qańtardan bastap qala mańyndaǵy marshrýttar 9:00-den 20:00-ge deıin jumys isteıdi», - dep habarlady qalalyq kólik holdınginen.
Buǵan deıin ol marshrýttar 09:00-den 18:00-ge deıin júretin.
Aıta keteıik, 12 qańtardan bastap Almatyda barlyq marshrýt, onyń ishinde qala mańy marshrýttary da jolǵa shyqqan bolatyn. Eske salaıyq, tótenshe jaǵdaıǵa baılanysty qalalyq marshrýttar úshin tańǵy saǵat 08:00-den keshki saǵat 20:00-ge deıin júredi.