Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda qala kúnine oraı 227 otbasy páter kiltin aldy

2021 jyldyń 19 qyrkúıek 2021 11:23

ALMATY. QazAqparat - Almaty qalasynyń ákimi Baqytjan Saǵyntaev Naýryzbaı aýdanynyń «Alma Sıtı-5» turǵyn úı kesheninen úsh bólmeli páter alǵan jańa qonystanýshylardy quttyqtady. Úıler «Nurly jer» memlekettik baǵdarlamasy aıasynda salynǵan, dep habarlaıdy QazAqparat tilshisi.

Qalanyń kommýnaldyq turǵyn úı qorynan turǵyn úı kezeginde turǵan kópbalaly otbasylarǵa 227 úsh bólmeli páter bólindi.




Megapolıs ákimi Baqytjan Saǵyntaev qala turǵyndaryna áleýmettik qamqorlyq ákimdik jumysynyń basty baǵyty ekenin aıtty.

Jyl basynan beri 2 340 muqtaj otbasyǵa jeńildikpen nesıe berý aıasynda turǵyn úı berildi.

Sonyń ishinde kommýnaldyq turǵyn úı qorynan - 41; «Baqytty otbasy» respýblıkalyq baǵdarlamasy aıasynda kópbalaly, tolyq emes otbasylar men múgedek balalardy tárbıelep otyrǵan otbasylarǵa 181 nesıelik zaem berildi.

Baqytjan Saǵyntaevtyń bastamasymen kópbalaly otbasylarǵa beriletin nesıe sanyn kóbeıtý maqsatynda jergilikti bıýdjetten kezekte turǵandarǵa jeńildetilgen nesıelerdi qosymsha qarjylandyrýǵa 3,3 mlrd teńge bólindi.

Bul shara taǵy 223 nesıe berýge múmkindik beredi. Barlyǵy «Baqytty otbasy» baǵdarlamasy aıasynda 1 013 otbasyn baspanamen qamtamasyz etý josparda.

«Shańyraq» respýblıkalyq baǵdarlamasy (5-10-20) aıasynda 2021 jyly 1 310 nesıe berildi. Jumys isteıtin jastarǵa 1050 jalǵa beriletin páter bólindi.

Búginde «Almaty jastary» qalalyq jeńildetilgen nesıelendirý baǵdarlamasy boıynsha 772 jas nesıe aldy.

Jyl sońyna deıin qamtý keminde 1 000 nesıelik zaem bolady.

Sonymen qatar, Almaty qalasynyń ákimi Baqytjan Saǵyntaevtyń tapsyrmasy boıynsha, alǵashqy tólemniń bir bóligin qamtamasyz etýge járdemdesý úshin 1 mıllıon teńge somasyndaǵy turǵyn úı sertıfıkattary áleýmettik kómek túrinde óteýsiz jáne qaıtarymsyz negizde beriledi.

Bul úshin jergilikti bıýdjetten 2 mlrd teńge bólindi.

Qalanyń kezekte turǵan turǵyn úı sertıfıkatyn alýshylar - 1 jáne 2 toptaǵy múgedekter; múgedek bala tárbıelep otyrǵan otbasylar; jetim jáne ata-ana qamqorlyǵynsyz qalǵan balalar; kópbalaly otbasylar.








Joǵary qaraı