Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda IT salasy mamandaryna tegin oqytatyn baǵdarlama bastalady

2021 jyldyń 14 shilde 2021 20:24

ALMATY. QazAqparat- Megapolıs ákimi Baqytjan Saǵyntaev «Almaty» telearnasyndaǵy Akimat LIVE baǵdarlamasynyń tikeleı efırinde IT salasynda jumysqa ornalasýdyń jańa múmkindikteri týraly aıtty, dep habarlaıdy QazAqparat tilshisi.

Tikeleı efır barysynda, Tehnıkalyq joǵary oqý ornynyń 4 kýrs stýdenti Baqytjan Saǵyntaevtan taǵylymdamadan ótý jáne jumysqa ornalasý múmkindigi týraly surady.

Qala ákimi tegin oqytý baǵdarlamasynyń bastalatynyn málim etti.

«Ári qaraıǵy qoldaý sharalaryna keletin bolsaq, Siz der kezinde suraq qoıdyńyz. Erteńnen, 15 shildeden bastap, biz Home Credit Bank-inde jas IT mamandaryna arnalǵan avtorlyq oqytý jáne taǵylymdamadan ótý baǵdarlamasy negizinde pılottyq jobany bastaımyz», - dedi Baqytjan Saǵyntaev.

Home Credit University birge árbir talantty adamǵa jańa deńgeıge kóterilýge múmkindik beriledi. Kýrs aıasynda «Bıznes analıtıka» baǵytynda ORACLE (PL SQL), Power BI derekqorlaryn jáne basqa da suranysqa ıe tetikterdi paıdalanýǵa bolady.

«Testileý kezeńi – aǵymdaǵy jyldyń 15 shildesinen 15 tamyzyna deıin. Oqý formaty – onlaın. Baǵdarlamaǵa ekonomıkalyq jáne tehnıkalyq mamandyqtardyń 3-4 kýrsynyń stýdentteri qatysa alady. Qatysý úshin Biryńǵaı kommýnıkatsııalyq keńistiktiń (https://ekp.digital-almaty.kz/) saıtynda anketa toltyrý kerek; onlaın testileýden ótýge jáne oqýdy bastaýǵa bolady»,-dedi ákim.

Birneshe jyl ishinde IT talanttaryn tartýǵa arnalǵan ekojúıe qurý josparlanýda, bul qala deńgeıinde bilikti jáne beıimdelgen mamandardy tárbıeleýge múmkindik beredi.

Sonymen qatar, bıznestiń tikeleı kommýnıkatsııasy jáne bilim berý klasteri esebinen kadrlyq resýrsty arttyrý mindeti sheshiletin bolady.


Joǵary qaraı