Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda ınternet alaıaqtardy anyqtaıtyn arnaıy top quryldy

2021 jyldyń 20 qazan 2021 23:56

ALMATY. QazAqparat - Jeńil aqsha tabýdy kózdeıtin alaıaqtar halyqty ınternet arqyly tonaýǵa kóshken. Almaty polıtsııasy onyń aldyn alý úshin arnaıy top qurdy, dep habarlaıdy QazAqparat tilshisi.

Almaty qalalyq polıtsııa departamenti ınternettegi alaıaqtyqqa qarsy kúresti kúsheıtý maqsatynda tanymal ınternet-resýrstarynyń qaýipsizdik qyzmeti basshylarymen jáne tólem kompanııalary, ekinshi deńgeıli bankterdiń ókilderimen kezdesý ótkizgen.

«Departamentte aqparattyq tehnologııalar salasyndaǵy qylmystardy ashý úshin arnaıy tergeý-jedel toby quryldy. Sondaı-aq, alaıaqtyq jarnamasy bar saıttar anyqtalýda, olar «Kıberbaqylaý» júıesi arqyly buǵattaý úshin ІІM jiberiledi. Jyl basynan beri barlyǵy 457 saıt buǵattaldy. Biz qoǵamdy ǵalamtor arqyly alaıaqtyq jasaý jáne aldyn alý joldary týraly únemi habardar etip otyramyz», - deıdi Almaty qalalyq polıtsııa departamenti bastyǵynyń orynbasary Berik Ábilbekov.

Sonymen qatar, ol jyl basynan beri Almatyda 2 myńnan astam ınternet-alaıaqtyq faktisi tirkelgenin atap ótti.


Joǵary qaraı