Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda fırma keńsesinen aqsha salynǵan seıf urlandy

2021 jyldyń 29 qarasha 2021 14:40

ALMATY. QazAqparat – Almatylyq fırmalardyń birinen urylar ishinde 1,5 mln astam teńgesi bar seıfti urlap ketti, dep habarlaıdy QazAqparat tilshisi.

Almaty qalalyq polıtsııa departamentiniń málimetinshe, kúdiktiler ustaldy. Olardyń urlyq jasaý áreketi beınebaqylaý kameralaryna túsip qalǵan.

«Keńsege kirýdiń birinshi áreketi sátsiz aıaqtaldy. Bul sátti de beınekameralar túsirip alǵan. Basty is-shara kezinde kúdiktilerdiń biri ekinshi qabatqa kóterilip, plastık terezeni ashqan jáne sol arqyly seıfti kóshege laqtyryp jibergen. Tómen jaqta ekinshi kútip turǵan. Kúdiktilerdiń oljasy bir jarym mıllıon teńgeden astam somany quraǵan. Jedel-izdestirý is-sharalarynyń barysynda kúdiktiler ustaldy. Olar 26 jáne 28 jastaǵy jigitter», – dedi Almaly aýdandyq polıtsııa basqarmasynyń bastyǵy Esen Ysqaqov.

Ustalǵandarǵa bótenniń múlkin urlady degen aıyp taǵyldy.

Olar qamaýǵa alyndy.

Aıta keteıik, buryn ekeýi de osyǵan uqsas qylmystar úshin sottalǵan.



Avtor Alma Muqanova
Basty sózder: Almaty, Qylmyspen kúres,
Joǵary qaraı