Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda esirtki satqan meıramhana aspazdary ustaldy

2022 jyldyń 17 mamyr 2022 12:10

ALMATY. QazAqparat- Almatydaǵy tanymal meıramhana aspazdary esirtki saýdasymen aınalysqan. Bul týraly qalalyq Polıtsııa departamenti málim etti, dep habarlaıdy QazAqparat tilshisi.

«Birneshe apta jedel aqparatty tekserdik. Kúdiktilerdiń qylmystyq áreketi rastaldy. «Gashısh» satqan elıtalyq meıramhanalardyń biriniń aspazy 1973 jyly týǵan M. esimdi azamat jumys ornynda ustaldy. Sondaı-aq, kúdiktiniń turǵylyqty jerin tintý barysynda eki sirińke qorapshasynan jáne syǵymdalǵan gashısh salynǵan dóńgelek býmadan esirtki zaty tabyldy»,- dedi, Almaty qalasy PD Esirtki qylmysyna qarsy kúres basqarmasy bastyǵynyń orynbasary Saǵyndyq Aıaǵanov.

Sonymen qatar, tekserý barysynda esirtki satýmen aınalysqan 42 jastaǵy aspaz-áıel anyqtaldy. D. esimdi azamatshanyń úıinen untaq zat salynǵan paket tabyldy, onyń shynaıy esirtki ekeni sot-hımııalyq saraptama arqyly dáleldendi.

Eki derek boıynsha QR QK-niń 297-baby 1-bólimine saı qylmystyq is qozǵaldy.


Joǵary qaraı