Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda epıdemıologııalyq ahýal turaqtalyp keledi

2021 jyldyń 24 qarasha 2021 20:27

ALMATY. QazAqparat - «Almaty» telearnasynyń Akimat LIVE baǵdarlamasynyń tikeleı efırinde qala ákimi Baqytjan Saǵyntaev megapolıs turǵyndaryn epıdemıologııalyq ahýaldyń jaqsarǵanyna qaramastan COVID-19 vaktsınasyn keıinge qaldyrmaýǵa shaqyrdy, dep habarlaıdy QazAqparat tilshisi.

Qala ákiminiń aıtýynsha, ekpe alǵan mıllıonnan astam almatylyqtardyń belsendiligi arqasynda koronavırýsty juqtyrý tizbeginiń kópshiligin úzip, aýrýdyń taralý qarqynyn tómendetýge qoljetti.

Olardyń ishinde 24 654 quqyq qorǵaý organdarynyń qyzmetkeri, 35 469 (100%) pedagog, 38 935 (100%) medıtsına mamandary bar.

Sonymen qatar, ol pandemııa áli aıaqtalmaǵandyqtan, vaktsınalaný qarqynyn kúsheıtý qajettigin atap ótti.

«Almatylyq epıdemıologtardyń, vırýsologtardyń, dárigerlerdiń jáne medpersonaldyń arqasynda Almatyda dert tómendedi. Sondyqtan qalanyń árbir turǵyny vaktsınalaný arqyly ujymdyq ımmýnıtetti qalyptastyrýǵa kómektesýi tıis. Tek ótken táýlikte 2 100-den astam qala turǵyny vaktsınanyń birinshi komponentin aldy.Qarasha aıynyń ortasynan bastap KVI vaktsınasyn alýǵa buryn ekpe almaǵandar belsendi túrde qosyldy. Búginde Pfizer preparatymen 8 496 adam vaktsınalandy, onyń ishinde júkti áıelder – 529, bala emizetin analar – 2 026 jáne balalar – 5 941»,- dedi Almaty ákimi.

Tikeleı efır barysynda Baqytjan Saǵyntaev revaktsınatsııany birinshi kezeńde kimder alatynyn aıtty.

«Qalada 22 qarashadan bastap revaktsınatsııadan ótýge bolady Ázirge KVI vaktsınasynyń úshinshi dozasyn medıtsına qyzmetkerleri, pedagogtar, kúsh qurylymdarynyń qyzmetkerleri, medıtsınalyq-áleýmettik mekemelerdiń qyzmetkerleri men kontıngenti, 60 jastan asqan adamdar alady.

Búgingi kúni barlyǵy 315 adam revaktsınalandy. Qazirgi kezde ınaktıvırlengen: QazVac (RK), Vero Sell (KNR) vaktsınalaryn alýǵa bolady. QR Densaýlyq saqtaý mınıstrligi «Spýtnık Laıt» vaktsınasyn jetkizý boıynsha kelissózder júrgizýde. Qalǵan almatylyqtar úshin revaktsınatsııanyń ekinshi kezeńi 2022 jyldyń qańtarynan bastalady», - deıdi ol.


Avtor Alma Muqanova
Basty sózder: Almaty, Qoǵam, Medıtsına,
Joǵary qaraı