Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda eń úzdik digital-ustaz anyqtaldy

2021 jyldyń 6 jeltoqsan 2021 22:12

ALMATY. QazAqparat - Almaty mektepterinde oqytý protsesin tsıfrlandyrýdy tanymal etýge jáne qalanyń úzdik digital-ustazdaryn anyqtaýǵa baǵyttalǵan Digital Ustaz Almaty baıqaýy aıaqtaldy, dep habarlaıdy QazAqparat tilshisi.

Uıymdastyrýshylardyń aıtýynsha, birinshi kezeńge barlyǵy 2 647 muǵalim tirkeldi. Birinshi kezeńniń tapsyrmasyn – mýltımedııalyq maqala qurýdy – 243 qatysýshy iske asyrdy, onyń ishinde 105 ustaz kelesi kezeńge ótti.




Baıqaý qorytyndysy boıynsha tarıh pániniń muǵalimi, Galaxy International School gýmanıtarlyq ǵylymdar kafedrasynyń meńgerýshisi Saǵynǵalı Qalıev baıqaý jeńimpazy atandy. Endi ol Londonǵa baryp, aǵylshyn bilim berý uıymdarynyń birinde tájirıbe jınaıdy. Ekinshi oryndy «Bilim-Innovatsııa» lıtseıinen Erlan Nuǵman men Nurbek Serikuly bólisti, úshinshi oryndy (№31 JBBM KMM) Erlan Kerimbaı ıelendi.




Mektepte tsıfrlandyrýdy tanymal etýge baǵyttalǵan alǵashqy konkýrs jeńimpazdaryn marapattaý rásimine Almaty ákimi Baqytjan Saǵyntaev qatysty.

Aıta keteıik, bıyl Almatyda «Almaty mektepteri» bilim berý qyzmetkerleriniń kadrlyq áleýetin damytýdyń úsh jyldyq baǵdarlamasy bastalǵan edi. Baǵdarlama aıasynda Digital Ustaz Almaty sandyq quzyretter salasyndaǵy kásibı sheberlik baıqaýy da boldy.

Almaty ákimi atalmysh baıqaýdyń úzdik pedagogıkalyq ádister alańyna aınalyp, ustazdardyń ári qaraı kásibı ósýi úshin yntalandyrý bolatynyna senim bildirdi.

«Sizder odan ári jetile túsip, áriptesterińizge shabyt beretin tulǵalarǵa aınalasyzdar. Sabaq ótý barysynda ózderińizdiń pedagogıkalyq sheberlikterińizben bólisip, árbir oqýshynyń ózin-ózi tanýy úshin jańa yntalandyrýshy orta quratyn bolasyzdar degen úmittemin», - dedi B. Saǵyntaev.

Aıtý kerek, joba Táýelsizdiktiń 30 jyldyǵyna oraılastyrylǵan jáne QR Bilim jáne ǵylym mınıstrliginiń qoldaýymen Almaty qalasynyń ákimdigi, Nursultan Nazarbaevtyń Bilim berý qory, EdCrunch Academy zamanaýı bilim berý ınstıtýty uıymdastyrǵan. Bas seriktesi «Almaty kitap baspasy» bolsa, resmı seriktesi – «Halyq» qaıyrymdylyq qory boldy.

















Joǵary qaraı