Aýa raıy
Astana -4 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda eki jylda stýdentter úshin 38 jataqhana salynady

2020 jyldyń 25 qarasha 2020 14:50

ALMATY. QazAqparat – Jas Otan jastar qanaty Almatyda jańadan salynǵan stýdentter jataqhanalaryna monıtorıng júrgizdi, dep habarlaıdy QazAqparat tilshisi.

QR Tuńǵysh Prezıdent Nursultan Nazarbaevtyń bes áleýmettik bastamasyn júzege asyrý maqsatynda Almatyda 2022 jyldyń sońyna deıin 25 joǵary oqý ornynda 16 myń oryndyq 38 jataqhana salý josparlanǵan.

«Almatynyń joǵary oqý oryndary stýdentterin baspanamen qamtamasyz etý boıynsha júıeli jumys júrgizýde. Baǵdarlama qolǵa alynǵaly qalada 1377 orynǵa arnalǵan 4 jataqhananyń qurylysy aıaqtaldy. Bıyl Kaspıı ýnıversıteti 200 oryndyq stýdentter jataqhanasyna kúrdeli jóndeý jumystaryn júrgizdi. D.Qonaev atyndaǵy Eýrazııalyq zań akademııasy jyl sońyna deıin 100 oryndyq zamanaýı jataqhanany paıdalanýǵa beredi. Sondaı-aq, ál-Farabı atyndaǵy Qazaq ulttyq ýnıversıtetinde (1260 oryn) jáne Abaı atyndaǵy QazUPÝ-de (370 oryn) jataqhana qurylysy bastaldy»,– dep habarlady Jas Otan jastar qanatynyń qalalyq fılıaly.





Jas Otan jastar qanaty qalalyq fılıalynyń arnaıy toby Qonaev atyndaǵy Eýrazııa zań akademııasy men Kaspıı ýnıversıtetine qarasty stýdentter úıine bardy. Olar nysandardyń jaǵdaıymen tanysyp, qysqy maýsymǵa daıyndyǵyn tekserdi.

Merdiger kompanııa ókiliniń aıtýynsha, D.Qonaev atyndaǵy akademııanyń jataqhanasyn osy jyldyń sońynda ótkizedi. Qurylys jumysy sapaly júrgizildi jáne barlyq standarttarǵa saı. Kaspıı ýnıversıtetiniń jataqhanasyndaǵy jumys tolyǵymen aıaqtaldy.

Sonymen qatar, ol ár bólmege qajetti turmystyq tehnıka men jıhazdar qoıylǵanyn jetkizdi. Stýdentterge barlyq jaǵdaı jasalǵan.





Joǵary qaraı